جىل سايىن 4 ماۋسىم كۇنى قازاقستاندا مەملەكەتتىك رامىزدەر كۇنى اتالىپ وتەدى. بۇل كۇن ەلىمىزدىڭ تاۋەلسىزدىگى مەن ەگەمەندىگىن ايقىندايتىن ەرەكشە مەرەكە, دەپ حابارلايدى Egemen.kz.
قازاقستاننىڭ مەملەكەتتىك رامىزدەرىنە تۋ, ەلتاڭبا جانە ءانۇران جاتادى. ولار 1992 جىلعى 4 ماۋسىمدا رەسمي تۇردە بەكىتىلدى. مەملەكەتتىك تۋدىڭ اۆتورى – شاكەن نيازبەكوۆ. تۋدىڭ كوگىلدىر ءتۇسى بەيبىتشىلىك پەن بىرلىكتى بىلدىرەدى. ونىڭ ورتاسىندا كۇن مەن قىران بەينەلەنگەن.
مەملەكەتتىك ەلتاڭبانىڭ اۆتورلارى – جانداربەك مالىبەكوۆ پەن شوت-امان ءۋاليحانوۆ. ەلتاڭبادا شاڭىراق, قاناتتى پىراقتار جانە بەس جۇلدىز بەينەلەنگەن. ولار حالىقتىڭ بىرلىگى مەن جارقىن بولاشاعىن سۋرەتتەيدى.
قازىرگى قولدانىستاعى ءانۇران 2006 جىلى بەكىتىلدى. ءانۇران حالقىمىزدىڭ پاتريوتتىق رۋحىن كوتەرىپ, وتانعا دەگەن سۇيىسپەنشىلىكتى دارىپتەيدى.
قازاقستاندا مەملەكەتتىك رامىزدەردى قولدانۋ ءتارتىبى ەگجەي-تەگجەيلى رەتتەلەدى
مەملەكەتتىك رامىزدەر – ءار ازامات ءۇشىن قاستەرلى قۇندىلىق. ولاردى قۇرمەتتەۋ – ءاربىر ەل ازاماتىنىڭ مىندەتى. رامىزدەرىمىز ەلدىڭ تاريحىن, مادەنيەتىن جانە تاۋەلسىزدىگىن كورسەتەتىن ماڭىزدى بەلگىلەر سانالادى.