الماتىدا 1 ماۋسىمنان باستاپ جاستارعا ارنالعان جەڭىلدەتىلگەن تۇرعىن ءۇي نەسيەسىن ۇسىناتىن «الماتى جاستارى» باعدارلاماسىنا ءوتىنىم قابىلداۋ باستالادى. قۇجات بيىلعى جىلدىڭ 1-15 ماۋسىم ارالىعىندا قابىلدانادى, دەپ حابارلايدى Egemen.kz.
وتىنىشتەر مەن قۇجاتتار 2026 جىلى 1 ماۋسىم ساعات 09:00-دەن 15 ماۋسىم ساعات 18:00-گە دەيىن قابىلدانادى
ءوتىنىش جولداۋ ءۇشىن ازاماتتار الدىمەن ەلەكتروندىق تسيفرلىق قولتاڭبانىڭ كومەگىمەن kezekte.kz رەسمي پورتالىنا كىرۋى قاجەت, سودان كەيىن «تۇرعىن ءۇي سەرۆيستەرى» مازىرىنەن «الماتى جاستارى» باعدارلاماسىن تاڭداۋى ءتيىس.
نەسيە شارتى بويىنشا ەڭ جوعارى نەسيە سوماسى 20 ملن تەڭگەدەن اسپاۋى قاجەت. پايىزدىق مولشەرلەمە – 5%, ال باستاپقى جارنا – 10%.
باعدارلاما اياسىندا باستاپقى جانە قايتالاما نارىقتاعى تۇرعىن ءۇيدى ساتىپ الۋعا بولادى. بۇل قاتىسۋشىلارعا بيۋدجەتى مەن قالاعان اۋدانىنا سايكەس نۇسقانى تاڭداۋعا مۇمكىندىك بەرەدى.
سونىمەن قاتار باعدارلاماعا 35 جاستان اسپاعان الماتىنىڭ تۇرعىندارى قاتىسا الادى. ۇمىتكەرلەر وڭىردە كەمىندە ءبىر جىل تۇراقتى تىركەۋدە بولۋى مىندەتتى.
جاستارعا ارنالعان جالعا بەرىلەتىن تۇرعىن ءۇي باعدارلاماسى توقتاتىلادى
باستى تالاپتىڭ ءبىرى – قاتىسۋشىنىڭ جانە ونىڭ وتباسى مۇشەلەرىنىڭ سوڭعى 5 جىل ىشىندە مەنشىگىندە باسپاناسى بولماۋى ءتيىس. سونداي-اق الماتىدا كەمىندە 6 اي رەسمي ەڭبەك ءوتىلى جانە مىندەتتى زەينەتاقى اۋدارىمدارىنىڭ بولۋى شارت.
باعدارلاماعا دەنساۋلىق ساقتاۋ, ءبىلىم بەرۋ, مادەنيەت, سپورت, جوعارى وقۋ ورىندارى مەن عىلىمي-زەرتتەۋ ينستيتۋتتارى, جۋرناليستيكا, الەۋمەتتىك سالا, قۇقىق قورعاۋ ورگاندارى جانە كوممۋنالدىق قىزمەت سالاسىنىڭ قىزمەتكەرلەرى ءوتىنىم بەرە الادى. سونىمەن قاتار «جۇمىس ىستەيتىن جاستار» باعدارلاماسىنىڭ جالعا الۋشىلارى دا باعدارلاما ارقىلى باسپانالى بولۋعا مۇمكىندىگى بار.
اتالعان باعدارلاما بويىنشا سۇراقتاردى +7 (727) 225-14-57 انىقتاما تەلەفونى ارقىلى ناقتىلاۋعا بولادى.
تۇرعىن ءۇي كەزەگىندەگى تۇيتكىل رەتتەلىپ كەلەدى
بۇعان دەيىن «وتباسى بانك» كەيبىر ازاماتتاردى تۇرعىن ءۇي كەزەگىنە قويۋدان نەگە باس تارتقانى تۋرالى جازعان ەدىك.