الماتى وبلىسىندا «تازا قازاقستان» باعدارلاماسى اياسىندا قاتتى تۇرمىستىق قالدىقتاردى قايتا وڭدەۋ سالاسىندا جالپى قۇنى 148,8 ملرد تەڭگەنى قۇرايتىن 8 ءىرى ينۆەستيتسيالىق جوبانى ىسكە اسىرۋ جوسپارلانعان. بۇل تۋرالى وڭىرلىك كوممۋنيكاتسيالار قىزمەتى الاڭىندا وتكەن ءباسپاسوز ءماسليحاتىندا الماتى وبلىسىنىڭ تۇرعىن ءۇي-كوممۋنالدىق شارۋاشىلىق جانە اباتتاندىرۋ باسقارماسىنىڭ باسشىسى ديماش قوجابەكوۆ مالىمدەدى, دەپ حابارلايدى Egemen.kz.
وڭىردە سانيتارلىق تازالاۋ جانە ستيحيالىق قوقىس ۇيىندىلەرىن جويۋمەن قاتار, جەكە ينۆەستيتسيالاردى تارتا وتىرىپ, قالدىقتاردى قايتا وڭدەۋدىڭ زاماناۋي تولىققاندى جۇيەسىن قالىپتاستىرۋعا باسىمدىق بەرىلىپ وتىر. جوسپارلانعان جوبالار قاتارىندا ەلەكتر ەنەرگياسىن وندىرەتىن قوقىس جاعۋ زاۋىتىنىڭ قۇرىلىسى, تاعام قالدىقتارىن وڭدەۋ كەشەنىن ىسكە قوسۋ, قوقىستى سۇرىپتاۋ كەشەنى مەن بيوەلەكتر ستانتسياسىن سالۋ كوزدەلگەن. سونداي-اق بۇل جوبالار جۇزەگە اسقاندا 300-دەن استام جاڭا جۇمىس ورىندارى اشىلادى.
ماڭعىستاۋدا قاتتى تۇرمىستىق قالدىقتاردى قابىلدايتىن پوليگوندار جەتىسپەيدى
سونىمەن قاتار وڭىردە قايتالاما شيكىزاتتى قايتا وڭدەۋمەن اينالىساتىن بىرقاتار كاسىپورىن جۇمىس ىستەپ تۇر. قازىرگى تاڭدا الماتى وبلىسىندا پلاستيك, ماكۋلاتۋرا, شىنى جانە توزعان اۆتودوڭگەلەكتەردى سۇرىپتاپ, قايتا وڭدەيتىن 6 ءىرى جانە بىرنەشە شاعىن كاسىپورىن بار. ولار جىل سايىن 184 مىڭ توننادان استام قالدىقتى سۇرىپتاپ, قايتا وڭدەيدى.
بۇعان دەيىن قاراعاندى وبلىسىندا 74 ءتۇرلى دارىلىك زات شىعاراتىن فارماتسەۆتيكالىق زاۋىت سالىناتىنىن حابارلاعان ەدىك.