وتاندىق شۇبات شەتەلگە ەكسپورتتالا باستادى

كۇرتى اۋىلدىق وكرۋگىندە بۇگىندە 6 مىڭنان استام تۇيە بار. سولاردىڭ ءبىرى – كاسىپكەر سىدىق داۋلەتوۆتىڭ شارۋاشىلىعى. ول تۇيە وسىرۋمەن 25 جىلدان بەرى اينالىسادى. كاسىپتى ءبىر تۇيەدەن باستاعان شارۋا بۇگىندە مال باسىن 5 مىڭنان اسىرعان. الداعى ۋاقىتتا تۇيە سانىن 15 مىڭعا جەتكىزىپ, شۇبات ەكسپورتىن بىرنەشە ەسە ارتتىرۋدى كوزدەپ وتىر.

كاسىپكەردىڭ ايتۋىنشا, شارۋاشىلىقتا تاۋلىگىنە 5-10 توننا ارالىعىندا تۇيە ءسۇتى وندىرىلەدى. قىس مەزگىلىندە كولەم شامامەن 5 توننا بولسا, جاز ايلارىندا ءوندىرىس ارتادى. قازىر فەرمادا 1,5-2 مىڭ تۇيە ساۋىلادى.

«قۇرعاق تۇيە ءسۇتىن قىتايعا ەكسپورتتاي باستاعاننان كەيىن شارۋاشىلىقتىڭ جۇمىسى تۇراقتانا ءتۇستى. بۇل – تىنىمسىز ەڭبەكتى قاجەت ەتەتىن سالا», دەيدى سىدىق داۋلەتوۆ.

24 KZ مالىمەتىنشە, اۋىلدا تۇيە ءسۇتىن وڭدەيتىن ارنايى تسەح ىسكە قوسىلعان. مۇندا اي سايىن 30 تونناعا دەيىن قۇرعاق شۇبات وندىرىلەدى. كاسىپورىن ءونىمنىڭ 80%-ىن قىتايعا ەكسپورتتايدى. قۇرعاق تۇيە ءسۇتىنىڭ 1 كەلىسى شامامەن 50 دوللار تۇرادى. ال مەملەكەت ءار كەلى ونىمگە 55 تەڭگە كولەمىندە سۋبسيديا تولەيدى.

كاسىپورىن اۋىلداعى 200-گە جۋىق تۇرعىندى جۇمىسپەن قامتىپ وتىر.

شۇبات پەن قىزىلشا قوسىلعان سۋسىن

تەحنولوگ مامان انار قالباەۆانىڭ سوزىنشە, ءوندىرىس بىرنەشە كەزەڭنەن تۇرادى. الدىمەن ءسۇت تازارتىلىپ, سۇزگىدەن وتكىزىلەدى. ودان كەيىن 85 گرادۋس تەمپەراتۋرادا پاستەرلەنەدى. كەيىن قويۋلاندىرۋ پروتسەسى جۇرگىزىلىپ, سوڭىندا ءسۇت ۇنتاق كۇيىنە دەيىن كەپتىرىلەدى.

كاسىپكەر ەندى الماتى وبلىسىندا تۇيە ءسۇتى نەگىزىندە بالالار تاعامىن شىعاراتىن ورتالىق ازياداعى ەڭ ءىرى زاۋىت سالۋدى جوسپارلاپ وتىر. جوبا جۇزەگە اسسا, كاسىپورىن تاۋلىگىنە 50-100 توننا ءونىم وڭدەۋگە قاۋقارلى بولادى. ينيتسياتيۆانى ىسكە اسىرۋ ءۇشىن شامامەن 20 ملرد تەڭگە ينۆەستيتسيا تارتۋ كوزدەلگەن.

شۇباتتان جاسالعان بالمۇزداق نارىققا شىقتى