ءۇندىستاننىڭ ۋتتار-پرادەش شتاتىندا بولعان قاتتى داۋىل مەن نوسەر جاڭبىر 89 ادامنىڭ ءومىرىن جالمادى, دەپ حابارلايدى Egemen.kz.
تابيعي اپات پراياگرادج, پراتاپگارح, بحادوحي, فاتەحپۋر, ۋنناو, كانپۋر-دەحات, چانداۋلي, سونبحادرا جانە باداۋن اۋداندارىندا كەڭ تاراعان. كەيبىر وڭىرلەردە جەل اعاشتاردى تامىرىمەن ج ۇلىپ, ەلەكتر جەلىلەرىن قۇلاتىپ, تۇرعىن ۇيلەرگە زاقىم كەلتىرگەن.
ۇندىستانداعى فەيەرۆەرك زاۋىتىندا جارىلىس بولدى: 23 ادام قازا تاپتى
سالدارىنان تۇرعىنداردىڭ باسىم بولىگى قابىرعا مەن قالقانداردىڭ استىندا قالىپ قويعان. ولاردىڭ داۋىلدان قورعانۋ ءۇشىن پانالاعان جەرلەردىڭ ءوزى وپىرىلىپ تۇسكەن. سونىمەن قاتار نايزاعاي ءتۇسۋى مەن قۇلاعان اعاشتار دا ادام ولىمىنە سەبەپ بولعان.
الدىن الا مالىمەت بويىنشا, جاراقات العاندار سانى 53 ادامعا جەتكەن. سونداي-اق تابيعي اپات سالدارىنان 114 مال قىرىلعانى حابارلاندى.
قازىرگى ۋاقىتتا ناقتى شىعىن كولەمى انىقتالىپ جاتىر. قازا تاپقاندار مەن زارداپ شەككەندەردىڭ وتباسىلارىنا وتەماقى تولەنەتىنى ايتىلدى.
ەسكە سالا كەتەيىك تاياۋدا پاۆلودار وبلىسىندا بولعان دۇلەي داۋىل سالدارىنان مەكتەپتەر قيراپ, ادامدار اۋرۋحاناعا تۇسكەن بولاتىن.