تەمىرتاۋ قالاسىندا بالاباقشا تاربيەشىسىنىڭ بالاعا قول كوتەرگەنى تۋرالى دەرەككە بايلانىستى قىلمىستىق ءىس قوزعالدى. وقيعا ايگولەك بالاباقشاسى مەكەمەسىندە بولعان, دەپ حابارلايدى Egemen.kz.
الەۋمەتتىك جەلىدە تاراعان اقپاراتقا سايكەس, ءبۇلدىرشىننىڭ اناسى تاربيەشىنىڭ ونىڭ قىزىنا كۇش قولدانعانىن مالىمدەگەن. بەينەباقىلاۋ كامەراسىنا تۇسكەن كادرلاردا پەداگوگتىڭ بالانى جۇدىرىقپەن قولىنان جانە بەتىنەن ۇرعانى انىق كورىنەدى. سونىمەن قاتار, جەلى قولدانۋشىلارى ەكىنشى تاربيەشىنىڭ بۇل جاعدايعا نازار اۋدارماعانىن جازعان.
جەتىباي بالاباقشاسىنداعى وقيعا: پوليتسيا ءمان-جايدى ءتۇسىندىردى
قاراعاندى وبلىسى پوليتسيا دەپارتامەنتى مالىمەتىنشە, تەكسەرۋ بارىسىندا 36 جاستاعى تاربيەشى پوليتسيا بولىمىنە جەتكىزىلگەن.
ۆەدومستۆونىڭ حابارلاۋىنشا, اتالعان فاكتى بويىنشا «كامەلەتكە تولماعان بالانى تاربيەلەۋ مىندەتتەرىن ورىنداماۋ نەمەسە تيىسىنشە ورىنداماۋ, وعان قاتىگەزدىك كورسەتۋ» بابى بويىنشا قىلمىستىق ءىس تىركەلدى. قازىرگى ۋاقىتتا وقيعانىڭ بارلىق ءمان-جايى انىقتالىپ جاتىر.
بالاباقشالاردى ۆاۋچەرلىك قارجىلاندىرۋ 1 شىلدەگە دەيىن جالعاسادى
پوليتسيا وكىلدەرى اتا-انالاردان رەسمي ارىز تۇسپەگەنىن دە اتاپ ءوتتى.
ءوز كەزەگىندە تەمىرتاۋ قالالىق ءبىلىم ءبولىمى بۇل جاعدايعا بايلانىستى ارنايى كوميسسيا قۇرىلعانىن مالىمدەدى. قازىر قىزمەتتىك تەكسەرىس جۇرگىزىلىپ جاتىر.
بالاباقشا مەن كوللەدجدەردە داۋ-دامايدى رەتتەيتىن مەدياتسيا قىزمەتتەرى قۇرىلادى