قاراعاندىدا اۆتوكولىكتەن 34 جاستاعى ايەلدىڭ ءمايىتى تابىلدى. ونىڭ دەنەسىنەن پىشاق جاراقاتتارى انىقتالعان. وقيعا قاراعاندى قالاسىنىڭ تولەpوۆ كوشەسىندە بولعان, دەپ حابارلايدى Egemen.kz.
مارقۇمنىڭ تانىستارىنىڭ ايتۋىنشا, ايەل ريەلتورلىق قىزمەتپەن اينالىسقان جانە ءوز ىسىندە تابىستى, ماتەريالدىق جاعدايى جاقسى بولعان. ونىڭ ارتىندا ەكى بالاسى قالعانى حابارلاندى.
قاراعاندى وبلىسىنىڭ پوليتسيا دەپارتامەنتى بۇل دەرەك بويىنشا «كىسى ءولتىرۋ» بابىمەن قىلمىستىق ءىس قوزعالعانىن مالىمدەدى. جەدەل-ىزدەستىرۋ شارالارى بارىسىندا 35 جاستاعى كۇدىكتى انىقتالىپ, ۇستالعان. ول ۋاقىتشا ۇستاۋ يزولياتورىنا قامالعان.
اقسۋ قالاسىندا زاۋىت ماڭىنان ايەلدىڭ ءمايىتى تابىلدى
قازىرگى ۋاقىتتا قىلمىستىڭ ناقتى سەبەبى انىقتالىپ جاتىر. تەرگەۋ مۇددەسىنە بايلانىستى وزگە مالىمەتتەر جاريا ەتىلمەيدى.