مەملەكەت باسشىسى Alem.ai battle جانە AI Governance Cup بايقاۋلارىنىڭ جەڭىمپازدارىن ماراپاتتاۋ راسىمىندە ۇشقىر وي مەن تەرەڭ ءبىلىم سىنعا تۇسەتىن دودالاردىڭ بەرەرى مول ەكەنىن ايتتى, دەپ جازادى Egemen.kz.
پرەزيدەنت مازمۇندى ءارى تارتىستى جارىستار ارقىلى جاڭاشىلدىق, ىزدەنىمپازدىق, جاسامپازدىق قۇندىلىقتارى كەڭىنەن دارىپتەلەتىنىنە توقتالدى.
«قوعامدا جاڭا تەحنولوگيالىق مادەنيەت قالىپتاسادى. Alem.ai battle سايىسىنا مەكتەپ وقۋشىلارى, ستۋدەنتتەر, جاس عالىمدار جانە IT سالاسىنىڭ ماماندارى قاتىستى. ولار ءوزارا تاجىريبە الماسىپ, ءبىر-بىرىنە قولداۋ كورسەتتى. بايقاۋ اياسىندا دارىندى ازاماتتارىمىز دەنساۋلىق ساقتاۋ جۇيەسى, ءبىلىم بەرۋ سالاسى جانە جاساندى ينتەللەكت مودەلدەرىن ۇيرەتۋ ماسەلەسىنە قاتىستى يننوۆاتسيالىق شەشىمدەر ۇسىندى. سوندىقتان بۇل سايىستى وزىق يدەيالاردىڭ باسەكەسى دەسەك, قاتە بولمايدى. وسىنداي شارالار سىزدەردى كاسىبي تۇرعىدان شىڭدايدى, ەلىمىزدە جانە الەمدە سۇرانىسقا يە بولاتىن ماڭىزدى جوبالاردى ىسكە اسىرۋعا جول اشادى دەپ سەنەمىن.
پرەزيدەنت: وزىق ويلى جاستار ەلىمىزدى بيىك بەلەستەرگە باستايدى
قاسىم-جومارت توقاەۆ ءوز سوزىندە AI Governance Cup بايقاۋىنىڭ دا ءمان-ماڭىزى ايرىقشا ەكەنىن اتاپ ءوتتى.
«بۇل سايىستا جاساندى ينتەللەكتىنى مەملەكەتتىك باسقارۋ ىسىنە ەنگىزۋگە ارنالعان ىرگەلى باستامالار ۇسىنىلدى. سونىڭ ىشىندە مەديتسينالىق كۋالاندىرۋ جۇيەسىن اۆتوماتتاندىرۋ, ينتەللەكتۋالدىق پروكۋرورلىق قاداعالاۋ, پەداگوگتەردى قولداۋ جۇيەلەرىن ەرەكشە اتاپ وتۋگە بولادى. مۇنىڭ ءبارى يدەيا نەمەسە پيلوتتىق جوبا دەڭگەيىندە قالىپ قويماۋى كەرەك.
نەگىزگى ماقسات – وزىق يدەيالار مەن باستامالاردى مەملەكەتتىك قۇرىلىمداردىڭ قىزمەتىنە كەزەڭ-كەزەڭىمەن ەنگىزىپ, جۇمىستىڭ تيىمدىلىگىن ارتتىرۋ. وسىعان باسا نازار اۋدارۋ قاجەت. وسىنداي بەدەلدى بايقاۋلاردا جۇلدەلى بولۋ – شىن مانىندە, ۇلكەن جەتىستىك. سىزدەردىڭ جەڭىستەرىڭىز – ۇزدىكسىز ىزدەنىس پەن تاباندى ەڭبەكتىڭ جەمىسى ەكەنى ءسوزسىز. بارىڭىزگە شىنايى ريزاشىلىعىمدى بىلدىرەمىن. مەملەكەت جاڭاشىل, جاسامپاز ازاماتتارعا زور ءۇمىت ارتادى, ءاردايىم قولداۋ كورسەتەدى», دەدى قاسىم-جومارت توقاەۆ.
توقاەۆ: Digital Qazaqstan ستراتەگياسى تاياۋ ارادا بەكىتىلەدى