قازاقستاندا 2026 جىلعى 19 شىلدەدەن باستاپ بارلىق بانكتەر بىرىڭعاي بانكارالىق QR-تولەمدەر جۇيەسىنە قوسىلۋعا مىندەتتى بولادى. بۇل تۋرالى ۇلتتىق بانك مالىمدەدى, دەپ حابارلايدى Egemen.kz.
ۇلتتىق بانك مالىمەتىنشە, ءتيىستى زاڭعا ەنگىزىلگەن وزگەرىستەر كۇشىنە ەنگەننەن كەيىن بولشەك تولەمدەرمەن جۇمىس ىستەيتىن بارلىق بانكتەر جۇيەگە قوسىلۋعا مىندەتتەلەدى. بانكتەر بەلگىلەنگەن مەرزىمگە دەيىن تەحنيكالىق دايىندىقتان ءوتىپ, كليەنتتەرگە جاڭا سەرۆيستەردى ۇسىنۋى ءتيىس.
قازىرگى ۋاقىتتا 16 بانك جۇيەگە قاتىسۋىن راستاعان. ونىڭ ىشىندە 12-ءسى – بانكارالىق اقشا اۋدارىمداردى, 7 بانك جانە «قازپوشتا» QR-تولەمدەردى ىسكە قوسقان.
بانك شوتىڭىز بۇعاتتالسا نە ىستەۋ كەرەك؟
ۇلتتىق بانك جۇيەنىڭ تەحنيكالىق تۇرعىدان تولىق دايىن ەكەنىن, الايدا ەنگىزۋ قارقىنى ءار بانكتىڭ ىشكى دايىندىعىنا بايلانىستى ەكەنىن اتاپ ءوتتى. بىرىڭعاي QR جۇيەسىن ەنگىزۋ بانكتەردىڭ ءوز جەكە تولەم سەرۆيستەرىن دامىتۋىنا شەكتەۋ قويمايدى.