قوستانايدا ۇلى وتان سوعىسى ارداگەرلەرىنە 5 ميلليون تەڭگەدەن بەرىلدى. تولەمدەر جەڭىس كۇنىن مەرەكەلەۋگە ورايلاستىرىلعان مەملەكەتتىك قولداۋ شارالارى اياسىندا جۇرگىزىلگەن, دەپ حابارلايدى Egemen.kz.
قالالىق اكىمدىكتىڭ حابارلاۋىنشا, قازىر وڭىردە جاسى 100-گە كەلگەن ءۇش ارداگەر تۇرادى. ولاردىڭ قاتارىندا 1925 جىلى تۋعان قاسىمحان الدابەرگەنوۆ پەن ميحايل پودولياكوۆ جانە 1926 جىلى تۋعان دىلدابەك نۇرىشەۆ بار.
ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمەتىنشە, 2026 جىلعى 1 اقپانداعى جاعداي بويىنشا ەلدە 76 059 ارداگەر تۇرادى. جىل باسىنان بەرى ولارعا جالپى سوماسى 1,5 ميلليارد تەڭگەگە مەملەكەتتىك جاردەماقى تولەنگەن.
رەفەرەندۋمعا ۇلى وتان سوعىسىنىڭ ارداگەرلەرى دە قاتىسىپ جاتىر
ايتا كەتەيىك, بيىل دا ەلىمىزدە جەڭىس پارادى وتپەيدى. قورعانىس مينيسترلىگىنىڭ مالىمەتىنشە, ونىڭ ورنىنا باسقا دا اسكەري-پاتريوتتىق ءىس-شارالار ۇيىمداستىرىلادى.