اباي وبلىسىندا كۋرچاتوۆ قالاسىن عىلىم قالاشىعىنا اينالدىرۋ ماسەلەسى تالقىلاندى. عىلىم مەن يننوۆاتسيانى دامىتۋ 2026-2030 جىلدارعا ارنالعان وڭىرلىك جوسپارعا ەنگىزىلگەن. بۇل باعىتتا ارنايى كەڭەس جۇمىس ىستەيدى, دەپ جازادى Egemen.kz.
سەمەيدە وتكەن كەڭەس وتىرىسىنا مەملەكەتتىك ورگاندار مەن عىلىمي ۇيىمداردىڭ وكىلدەرى قاتىستى. جيىندا «2027-2035 جىلدارعا ارنالعان كۋرچاتوۆ عىلىم قالاشىعىن دامىتۋ جوسپارى» قارالدى.
ايماق باسشىسى بەرىك ءۋالي عىلىمدى دامىتۋ – ءوڭىر ءۇشىن ستراتەگيالىق مىندەت ەكەنىن اتاپ ءوتتى. عىلىمي جوبالاردى ەكونوميكاعا ەنگىزۋ جانە عىلىم, بيزنەس, ءوندىرىس بايلانىسىن كۇشەيتۋ – باستى ماقسات.
كۋرچاتوۆتا يادرولىق زەرتتەۋ ورتالىعى مەن عىلىمي ينفراقۇرىلىم بار. قالانى دامىتۋعا ارنالعان 1,1 ترلن تەڭگەنى قۇرايتىن 76 جوبادان تۇراتىن جوسپار ازىرلەندى, ناتيجەسىندە 6 مىڭنان استام جۇمىس ورنى اشىلادى.
كۋرچاتوۆتا عىلىم قالاشىعى بوي كوتەرەدى
نەگىزگى جوبالاردىڭ قاتارىندا ەلەكتر ستانتسياسىنىڭ قۇرىلىسى, كومىر-حيميا كەشەنى جانە ينفراقۇرىلىمدى جاڭارتۋ بار. قازىر قالادا جول, جارىق, ينتەرنەت, الەۋمەتتىك جانە تۇرعىن ءۇي ينفراقۇرىلىمى جاڭارتىلىپ جاتىر.
سونداي-اق, تەمىرجول نىساندارى جاڭعىرتىلۋدا, كوممۋنالدىق ماسەلەلەر كەزەڭ-كەزەڭىمەن شەشىلىپ وتىر.
كۋرچاتوۆقا كوڭىل بولىنەدى
جيىن سوڭىندا وبلىس اكىمى ينۆەستيتسيا تارتۋ, ينفراقۇرىلىمدى دامىتۋ جانە كادرلىق الەۋەتتى كۇشەيتۋ جۇمىستارىن جانداندىرۋدى تاپسىردى.