جەتىسۋ وبلىستىق پوليتسيا دەپارتامەنتىنىڭ قىزمەتكەرلەرى پروكۋراتۋرامەن بىرلەسىپ, تالدىقورعان قالاسىندا جاسىرىن جۇمىس ىستەگەن ەكى ەسىرتكى زەرتحاناسىن انىقتاپ, ولاردىڭ زاڭسىز ارەكەتىنە توسقاۋىل قويدى, دەپ حابارلايدى Egemen.kz.
جەدەل-ىزدەستىرۋ شارالارى بارىسىندا ءبىر قىلمىستىق سحەما اياسىندا ارەكەت ەتكەن 31 جانە 21 جاستاعى ەكى شەتەل ازاماتى ۇستالدى.
تەرگەۋ ناتيجەسىندە ولاردىڭ سينتەتيكالىق ەسىرتكى دايىنداۋمەن اينالىسقانى بەلگىلى بولدى. ءتىنتۋ كەزىندە زەرتحاناعا قاجەتتى قۇرال-جابدىقتار, حيميالىق رەاگەنتتەر جانە وتكىزۋگە دايىندالعان 1,3 كەلىدەن استام مەفەدرون تاركىلەندى.
تالدىقورعاندا زەينەتكەر 5 كەلىدەن استام ەسىرتكىمەن ۇستالدى
قازىرگى ۋاقىتتا كۇدىكتىلەر ۋاقىتشا ۇستاۋ يزولياتورىنا قامالدى. قىلمىستىق ءىستىڭ بارلىق ءمان-جايىن انىقتاۋ, ونىڭ ىشىندە ۇيىمداستىرۋشى مەن وزگە دە قاتىسى بار تۇلعالاردى اشكەرەلەۋ جۇمىستارى جالعاسىپ جاتىر.
پوليتسيا ەسىرتكى قۇرالدارىنىڭ زاڭسىز اينالىمى قىلمىستىق جاۋاپكەرشىلىككە اكەلەتىنىن ەسكەرتەدى.
شىمكەنتتە ءىرى ەسىرتكى زەرتحاناسى جويىلدى