اقش پرەزيدەنتى دونالد ترامپ يرانعا قارسى اسكەري ارەكەتتەردىڭ نەگىزگى ماقساتتارى ورىندالىپ جاتقانىن جانە وپەراتسيا جاقىن ۋاقىتتا اياقتالاتىنىن مالىمدەدى. ونىڭ ايتۋىنشا, الداعى 2-3 اپتا ىشىندە يرانعا جويقىن سوققى جاسالۋى مۇمكىن, دەپ جازادى Egemen.kz.
اق ۇيدە سويلەگەن سوزىندە ترامپ «ەپيكالىق اشۋ» وپەراتسياسى اياسىندا قويىلعان مىندەتتەردىڭ باسىم بولىگى ورىندالعانىن اتاپ ءوتتى. ول اقش-تىڭ اسكەري ماقساتتاردى قىسقا مەرزىمدە تولىق اياقتاۋعا جاقىن ەكەنىن جەتكىزدى.
پرەزيدەنت ەگەر كەلىسىمگە قول جەتكىزىلمەسە, يرانداعى ەلەكتر ستانتسيالارىنا سوققى جاسالۋى مۇمكىن ەكەنىن ەسكەرتتى. ونىڭ سوزىنشە, نەگىزگى ماقسات – ناتيجەگە تەز جەتۋ.
اقش اسكەرى يراننان كەتە مە؟ ترامپ ماڭىزدى ۇندەۋ جاسايدى
سونىمەن قاتار ول يزرايل, ساۋد ارابياسى جانە بىرقاتار پارسى شىعاناعى ەلدەرىنە قولداۋ كورسەتۋدى جالعاستىراتىنىن ايتتى.
ورمۇز بۇعازى ماسەلەسىنە قاتىستى ترامپ اقش بۇل باعىتتاعى مۇنايعا تاۋەلدى ەمەس ەكەنىن, سوندىقتان ونىڭ قاۋىپسىزدىگىن سول ارقىلى مۇناي الاتىن ەلدەر قامتاماسىز ەتۋى ءتيىس ەكەنىن اتاپ ءوتتى.
ترامپ يران مۇنايىن يەمدەنگىسى كەلەدى
ونىڭ ايتۋىنشا, اقش-تا مۇناي قورى رەسەي مەن ساۋد ارابياسىنان دا كوپ, ال ەلدىڭ نەگىزگى باعىتى – وداقتاستارعا قولداۋ كورسەتۋ.