ەلىمىزدە تۇرعىن ۇيگە مۇقتاج ازاماتتاردىڭ كەزەگى قايتا قارالىپ, اۋقىمدى تەكسەرۋ جۇرگىزىلدى. ناتيجەسىندە 16 537 ادام كەزەكتەن شىعارىلىپ, تاعى 75 456 ازاماتقا كەزەككە تۇرۋعا رۇقسات بەرىلمەدى, دەپ جازادى Egemen.kz.
«وتباسى بانك» جۇرگىزگەن ىرىكتەۋ بارىسىندا كەزەكتە تۇرعان ازاماتتاردىڭ نەمەسە ولاردىڭ وتباسى مۇشەلەرىنىڭ اتىندا باسپانا بار ەكەنى, نە بولماسا ولاردىڭ بۇرىننان كەزەكتە تۇرعانى انىقتالعان.
تۇرعىن ءۇي كەزەگى – بۇل باسپاناعا مۇقتاج ازاماتتاردى ەسەپكە الۋ جۇيەسى. ول ازاماتتارعا بىرقاتار جەڭىلدىكپەن تۇرعىن ءۇي الۋعا مۇمكىندىك بەرەدى. اتاپ ايتقاندا, جالعا بەرىلەتىن پاتەر ءۇشىن اي سايىنعى تولەمنىڭ 50% كولەمىندە سۋبسيديا, جالدامالى باسپانا (مەرزىمسىز نەمەسە ساتىپ الۋ قۇقىعىمەن), سونداي-اق 2%-دان 9%-عا دەيىنگى مولشەرلەمەمەن جەڭىلدەتىلگەن يپوتەكا قاراستىرىلعان.
زەينەتاقى جيناعىن تۇرعىن ءۇي ساتىپ الۋعا پايدالانۋ ءتارتىبى وزگەرتىلدى
2025 جىلعى 24 مامىردان باستاپ تۇرعىن ءۇي كەزەگىن جۇرگىزۋ تولىقتاي «وتباسى بانككە» بەرىلدى. بۇعان دەيىن بۇل فۋنكتسيا جەرگىلىكتى اكىمدىكتەردىڭ قۇزىرىندا بولعان. سونىمەن قاتار, كەزەككە تۇرۋ تالاپتارى دا وزگەردى. ەگەر بۇرىن تەك الەۋمەتتىك وسال توپ وكىلدەرى عانا تىركەلە السا, ەندى بەلگىلەنگەن تالاپتارعا ساي كەلەتىن بارلىق ازاماتقا مۇمكىندىك بەرىلگەن.
جاڭا تالاپتارعا سايكەس, كەزەككە تۇرۋ ءۇشىن ۇمىتكەر قازاقستاننىڭ ازاماتى نەمەسە قانداس بولۋى ءتيىس, سوڭعى 5 جىل بويىنشا وزىندە نەمەسە وتباسى مۇشەلەرىندە تۇرعىن ءۇي بولماۋى كەرەك (نەمەسە جالعىز باسپاناسى اپاتتى دەپ تانىلۋى قاجەت), سونداي-اق تۇراقتى تىركەۋى بولۋى شارت. استانا, الماتى جانە شىمكەنت قالالارىندا تىركەۋ مەرزىمى كەمىندە 3 جىل بولۋى تالاپ ەتىلەدى.
جاڭا جۇيە ەنگىزىلگەننەن بەرى كەزەك ايتارلىقتاي تولىققان. مامىر ايىندا 176 664 ادام, ماۋسىمدا 81 317 ادام تىركەلسە, جىل سوڭىنا قاراي بۇل كورسەتكىش تۇراقتانىپ, جەلتوقساندا 11 502 ادام كەزەككە تۇرعان. جالپى العاندا, جاڭا جۇيە ىسكە قوسىلعالى بەرى 407 479 ازامات ەسەپكە الىنعان.
ەلىمىزدە تۇرعىن ءۇي كەزەگىن جەدەلدەتۋ ماقساتىندا جاڭا ەرەجە ەنگىزىلدى
قازىرگى ۋاقىتتا تۇرعىن ءۇي كەزەگىندە 968 640 ادام تۇر. ولاردىڭ شامامەن 30%-ى نەمەسە 306 632 ادام باسپانا الۋعا ءبىرىنشى كەزەكتە قۇقىلى. بۇل قاتارعا ارداگەرلەر, كوپبالالى وتباسىلار, جەتىم بالالار مەن جەسىرلەر كىرەدى.
2025 جىلعى قازان ايىنان باستاپ اكىمدىكتەر «وتباسى بانككە» 21 255 پاتەردى باسقارۋعا بەرگەن. سونىڭ ىشىندە 6670 جالدامالى پاتەر جانە 2343 پاتەر جەڭىلدەتىلگەن يپوتەكا ارقىلى ۇلەستىرىلگەن. جالپى ەكى باعىت بويىنشا شامامەن 10 000-نان استام پاتەر بەرۋ جوسپارلانىپ وتىر.
تۇرعىن ءۇيدى ءبولۋ كەزىندە نەگىزگى ەكى تالاپ ەسكەرىلەدى – كەزەككە قويىلعان ۋاقىتى جانە ازاماتتىڭ الەۋمەتتىك ساناتى. سوڭعى جارتى جىلدا باسپانا العاندار قاتارىندا جەتىم بالالار – 986 ادام, جەسىرلەر – 370, مۇگەدەكتىگى بار ازاماتتار – 1077, كوپبالالى وتباسىلار – 1242, تولىق ەمەس وتباسىلار – 1580, ەرەكشە قاجەتتىلىگى بار بالالاردى تاربيەلەپ وتىرعان وتباسىلار – 1056.
تۇرعىن ءۇي كەزەگى قايتا جۇيەلەندى: كىمدەرگە جەڭىلدىك بەرىلەدى؟
ايتا كەتەرلىگى, جاڭا پاتەر يەلەرى اراسىندا 1996 جىلدان بەرى كەزەكتە تۇرعان ازاماتتار دا بار, سونداي-اق 2005 جىلدان بەرى باسپانا كۇتكەن ادامدار دا قونىس تويىن تويلاعان.
بۇعان دەيىن «وتباسى بانك» قانداي جاعدايدا ازاماتتار كەزەكتەن شىعارىلمايتىنىن تۇسىندىرگەن. اتاپ ايتقاندا, تىركەۋ ورنىن وزگەرتكەندەر, تابىسى جەتكىلىكسىز ازاماتتار, دەرەكتەرىندە قاتە كەتكەندەر جانە تۇرعىن ۇيدەگى ۇلەسى از ادامدار كەزەكتەن شىعارىلمايدى.
ماڭىزدى جاڭالىقتىڭ ءبىرى – 2026 جىلعى 2 ناۋرىزدان باستاپ تۇرعىن ءۇي تەك تۇگەندەۋدەن وتكەن ازاماتتارعا عانا بەرىلەدى. ەگەر كەزەكتە تۇرعان ادام تەكسەرۋدەن وتپەسە, پاتەر ءبولۋ پروتسەسىنە قاتىسا المايدى.