الماتى اۋەجايىنداعى اۆتوتۇراقتار كەڭەيتىلەدى

الماتى قالاسى اكىمىنىڭ ورىنباسارى ولجاس سماعۇلوۆتىڭ مالىمەتىنشە, جوبا 2050 جىلعا دەيىنگى ۇزاقمەرزىمدى جوسپارعا نەگىزدەلگەن. سونىڭ ناتيجەسىندە تەرمينالدار جاڭعىرتىلىپ, جولاۋشىلارعا قىزمەت كورسەتۋ ساپاسى ايتارلىقتاي جاقسارادى.

بيلەت بار, ورىن جوق: وۆەربۋكينگ كەزىندە جولاۋشى نەنى ءبىلۋى ءتيىس؟

جوبانىڭ نەگىزگى باعىتتارىنىڭ ءبىرى – ىشكى رەيستەر تەرمينالىنىڭ وتكىزۋ قابىلەتىن ارتتىرۋ. قازىرگى 3 ملن جولاۋشىدان 7 ملن جولاۋشىعا دەيىن ۇلعايتۋ جوسپارلانعان, ياعني كورسەتكىش ەكى ەسەدەن اسا وسەدى. سونىمەن قاتار, 1500 ورىندىق جابىق كوپدەڭگەيلى اۆتوتۇراق سالىنىپ, تاكسي ايماعى رەتكە كەلتىرىلىپ, ىرگەلەس اۋماق اباتتاندىرىلىپ جاتىر.

بۇگىندە جۇمىستار 2028 جىلعا دەيىن جالعاساتىن ءبىرىنشى كەزەڭ شەڭبەرىندە جۇرگىزىلۋدە. جوبانىڭ جالپى ينۆەستيتسيا كولەمى 362 ملن دوللاردى قۇرايدى.

اكىم ورىنباسارىنىڭ ايتۋىنشا, قازىردىڭ وزىندە بىرقاتار ماڭىزدى وزگەرىس ەنگىزىلگەن. تەرمينال ايماقتارى جاڭارتىلىپ, تەرمينال مەن اۆتوتۇراقتى جالعايتىن جاياۋ جۇرگىنشىلەر وتكەلى سالىندى, ىشكى CIP-تەرمينال ىسكە قوسىلىپ, اۋەجاي ماڭى كوركەيتىلدى. بۇل جولاۋشىلار ءۇشىن قولايلىلىق دەڭگەيىن ەداۋىر ارتتىردى.

ال ءبىرىنشى كەزەڭ شەڭبەرىندە جۇزەگە اساتىن نەگىزگى جۇمىستاردىڭ ءبىرى – ىشكى رەيستەر تەرمينالىن تولىق جاڭعىرتۋ. بۇل جۇمىس 2026 جىلعى 11 شىلدەدە اياقتالادى دەپ جوسپارلانعان. سونىمەن قاتار, جۇك قابىلداۋ جانە سۇرىپتاۋ جۇيەسىنىڭ مۇمكىندىگى ەكى ەسەگە ارتادى, ۇشاقتاردىڭ قوزعالىسىنا ارنالعان جاڭا جولاقتار سالىنىپ, زاماناۋي مۇزعا قارسى وڭدەۋ الاڭى ىسكە قوسىلادى.

الماتى اۋەجايى زاماناۋي حابقا اينالادى

بۇدان بولەك, اۋە كەمەلەرىنە قىزمەت كورسەتۋ ينفراقۇرىلىمى جاڭارتىلىپ, وندىرىستىك, قويمالىق جانە اكىمشىلىك نىساندار سالىنىپ جاتىر. بۇل اۋەجايدىڭ حالىقارالىق ستاندارتتارعا ساي جۇمىس ىستەۋىنە مۇمكىندىك بەرەدى.

اۋەجاي ماڭىنداعى قىزمەت كورسەتۋ جۇيەسى دە كەزەڭ-كەزەڭىمەن داميدى. 2027-2028 جىلدارى ترانزيتتىك جولاۋشىلار مەن ەكيپاجدارعا ارنالعان جاڭا قوناق ءۇي كەشەنىن سالۋ جوسپارلانعان. سونىمەن قاتار, كولىك جانە اۆتوتۇراق ينفراقۇرىلىمى جەتىلدىرىلەدى.

جاڭا جوبالاردىڭ ءبىرى – كوپدەڭگەيلى اۆتوتۇراق, ونىڭ ناتيجەسىندە تۇراق ورىندارىنىڭ جالپى سانى 2275-كە دەيىن جەتەدى. بۇل جولاۋشىلار ءۇشىن قاۋىپسىزدىك پەن قولايلىلىقتى ارتتىرادى.

اۆياتسيالىق ينفراقۇرىلىممەن قاتار, قالادا تسيفرلىق جوبالار دا ىسكە اسىرىلىپ جاتىر. سونىڭ ىشىندە «الاتاۋ» يننوۆاتسيالىق تەحنولوگيالار پاركىندە زاماناۋي دەرەكتەردى وڭدەۋ ورتالىعى سالىنادى. بۇل نىسان حالىقارالىق ستاندارتتارعا ساي بولىپ, 480 سەرۆەرلىك تىرەك ورناتۋعا جانە 130 جاڭا جۇمىس ورنىن اشۋعا مۇمكىندىك بەرەدى.

الماتى اۋەجايىندا 6,8 ملرد تەڭگە سوماسىندا زاڭبۇزۋشىلىقتار انىقتالدى

جالپى, جاڭعىرتۋ جۇمىستارىنىڭ باستى ماقساتى – وتكىزۋ قابىلەتىن ارتتىرۋ, قاۋىپسىزدىكتى كۇشەيتۋ جانە قىزمەت كورسەتۋ ساپاسىن جاقسارتۋ. وسىلايشا, الماتى اۋەجايىن كەزەڭ-كەزەڭىمەن حالىقارالىق دەڭگەيدەگى ءىرى اۆياتسيالىق حابقا اينالدىرۋ كوزدەلىپ وتىر.