تۇركىستان وبلىسىندا جوعالىپ كەتكەن ءجاسوسپىرىم جەدەل ىزدەستىرۋ شارالارىنىڭ ناتيجەسىندە امان-ەسەن تابىلدى. پوليتسيا قىزمەتكەرلەرى جۇرگىزگەن اۋقىمدى ىزدەۋ جۇمىستارىنىڭ ارقاسىندا بالا شىمكەنت قالاسىنان انىقتالىپ, اتا-اناسىنا قايتارىلدى, دەپ جازادى Egemen.kz.
2010 جىلى تۋعان حاسەن ماردان عالىمجان ۇلى 21 ناۋرىز كۇنى ورداباسى اۋدانىنداعى ۇيىنەن شىعىپ, تۇركىستان قالاسىنا بارعان. الايدا ول جاقىندارىمەن بايلانىسقا شىقپاي, ءىز-ءتۇسسىز كەتكەن. وسىدان كەيىن جەرگىلىكتى پوليتسيا دەرەۋ ىزدەستىرۋ جۇمىستارىن باستاعان.
ىزدەۋ شارالارىنا تۇركىستان وبلىسى پوليتسيا دەپارتامەنتى مەن قالالىق پوليتسيا باسقارماسىنىڭ تاجىريبەلى جەدەل ۋاكىلدەرى جۇمىلدىرىلدى. بالانىڭ اتا-اناسى ونىڭ تەلەفونى ۇيدە قالعانىن ايتىپ, قاتتى الاڭداعان. بۇل جاعداي ىزدەستىرۋ جۇمىستارىن جەدەلدەتۋگە سەبەپ بولدى.
قوستانايدا جوعالعان ستۋدەنت ءولى كۇيدە تابىلدى
پوليتسەيلەر ءجاسوسپىرىمنىڭ قوزعالىس باعىتىن انىقتاۋ ءۇشىن بەينەباقىلاۋ كامەرالارىن مۇقيات زەردەلەپ, تۇركىستان قالاسى اۋماعىن تولىق تەكسەردى. كەيىن ىزدەۋ جۇمىستارى كورشىلەس شىمكەنت قالاسىندا دا جالعاستى.
جەدەل ىزدەستىرۋدىڭ ناتيجەسىندە 15 جاستاعى ءجاسوسپىرىم شىمكەنت قالاسىنان تابىلدى. پوليتسەيلەر ونى اتا-اناسىنا تابىستادى.
قۇقىق قورعاۋ ورگاندارى ىزدەۋ جۇمىستارىنا قولداۋ بىلدىرگەن بۇقارالىق اقپارات قۇرالدارى مەن جەرگىلىكتى تۇرعىندارعا العىس ايتتى. سونىمەن قاتار ءتارتىپ ساقشىلارى اتا-انالارعا بالالارىنا كوبىرەك كوڭىل ءبولىپ, ولارمەن اشىق سويلەسۋدىڭ ماڭىزىن ەسكە سالدى.
اقتوبەدە قوقىس الاڭدارىنىڭ بىرىنەن ەر ادامنىڭ ءمايىتى تابىلدى