وتاندىق قىسقى سپورت تاريحىندا وشپەس ءىز قالدىرعان يۋليا گالىشەۆا حالىقارالىق دەڭگەيدەگى سپورتتىق مانسابىن رەسمي تۇردە اياقتاعانىن مالىمدەدى. بۇل تۋرالى شىعىس قازاقستان وبلىستىق دەنە شىنىقتىرۋ جانە سپورت باسقارماسىندا وتكەن ءباسپاسوز ءماسليحاتىندا بەلگىلى بولدى, دەپ جازادى Egemen.kz.
جيىنعا باسقارما باسشىسى اسقار موجانوۆ پەن فريستايل-موگۋلدان قازاقستاننىڭ ەڭبەك سىڭىرگەن جاتتىقتىرۋشىسى ەلەنا كرۋگلىحينا قاتىستى.
يۋليا گالىشەۆا – قازاقستان فريستايلى تاريحىنداعى ەڭ كوپ ماراپاتقا يە بولعان سپورتشى. ول ۇلتتىق قۇراما ساپىندا 20 جىلدان استام ۋاقىت ونەر كورسەتىپ, ەلدەگى قىسقى سپورتتىڭ دامۋىنا زور ۇلەس قوستى. ونىڭ سپورتتىق جولى قازاقستانداعى قىسقى سپورت تۇرلەرىنىڭ التىن داۋىرىنە اينالدى.
سپورتشى – قازاقستان تاريحىندا موگۋلدان وليمپيادا جۇلدەسىن جەڭىپ العان جالعىز اتلەت. ول 2018 جىلعى پحيونچحان قىسقى وليمپياداسى ويىندارىندا قولا مەدال يەلەندى. سونىمەن قاتار 2019 جىلى الەم چەمپيوناتىندا توپ جارىپ, وسى ديستسيپلينادا الەم چەمپيونى اتانعان تۇڭعىش وتاندىق سپورتشى بولدى.
يۋليا گالىشەۆا سپورتتىق مانسابىندا 5 بىردەي وليمپياداعا قاتىسقان بىرەگەي سپورتشى – 2010 جىلعى ۆانكۋۆەر وليمپياداسى, 2014 جىلعى سوچي وليمپياداسى, 2018 جىلعى پحيونچحان وليمپياداسى, 2022 جىلعى بەيجىڭ وليمپياداسى جانە 2026 جىلعى ميلان-كورتينا وليمپياداسى.
قىسقى وليمپيادا: ءۇش موگۋلشىمىز فينالعا شىقتى
ونىڭ قورجىنىندا الەم چەمپيوناتتارىنىڭ تولىق جۇلدە جيىنتىعى, الەم كۋبوگى كەزەڭدەرىندەگى كوپتەگەن جەڭىستەر, سونداي-اق قىسقى ازيا ويىندارى مەن ۋنيۆەرسيادا التىندارى بار.
چەمپيون ءوز سوزىندە جاتتىقتىرۋشىلار قۇرامىنا, كومانداسىنا جانە جانكۇيەرلەرگە كوپ جىلعى سەنىمى مەن قولداۋى ءۇشىن العىس ايتتى.
قىسقى وليمپيادا: فريستايل-موگۋلدان پاۆەل كولماكوۆ فينالعا شىقتى