قوستاناي قالاسىندا 19 ناۋرىزدان بەرى ىزدەستىرىلىپ جاتقان 17 جاستاعى ۆلاديمير ورەل ءولى كۇيىندە تابىلدى. ونىڭ دەنەسى توبىل وزەنى ماڭىنان انىقتالدى, دەپ حابارلايدى Egemen.kz.
بۇل اقپاراتتى العاش بولىپ ەرىكتىلەر حابارلاعان, كەيىن ونى پوليتسيا راستادى.
پوليتسيا مالىمەتىنشە, ءجاسوسپىرىمنىڭ جوعالۋىنا بايلانىستى قىلمىستىق ءىس قوزعالعان. ىزدەۋ جۇمىستارى بارىسىندا ونىڭ دەنەسى گاگارين بوگەتىنە جاقىن قامىستى اۋماقتان تابىلعان. الدىن الا مالىمەت بويىنشا, زورلىق-زومبىلىق بەلگىلەرى انىقتالماعان.
قازىرگى ۋاقىتتا وقيعانىڭ بارلىق ءمان-جايىن انىقتاۋ ءۇشىن تەرگەۋ امالدارى جۇرگىزىلىپ جاتىر.
قۇقىق قورعاۋ ورگاندارى تۇرعىنداردى تەك رەسمي اقپارات كوزدەرىنە سەنۋگە جانە تەكسەرىلمەگەن مالىمەتتەردى تاراتپاۋعا شاقىردى.
ەسكە سالايىق, ۆلاديمير ورەل سوڭعى رەت جاتاقحانادان شىققان كەزدە كورىنگەن, سودان كەيىن ونىمەن بايلانىس ۇزىلگەن.
تۇركىستاندا سۋعا باتىپ كەتكەن 8 جاسار بالا 4 كۇننەن بەرى ىزدەستىرىلىپ جاتىر