تۇركىستان وبلىسىنىڭ كەلەس اۋدانىندا 8 جاسار بالانى ىزدەستىرۋ جۇمىستارى جالعاسىپ جاتىر, دەپ حابارلايدى Egemen.kz.
توتەنشە جاعدايلار مينيسترلىگى قۇتقارۋشىلارى مەن جەرگىلىكتى اتقارۋشى ورگاندار قىزمەتكەرلەرى كەلەس وزەنىندە سۋعا كەتكەن بالانى ىزدەستىرىپ جاتىر.
بالانىڭ اناسىنىڭ ايتۋىنشا, 23 ناۋرىزدا ساعات شامامەن 17:00-دە ويىن كەزىندە بالا سۋعا قۇلاپ, باتىپ كەتكەن.
«2018 جىلى تۋعان بالانى ىزدەۋ-قۇتقارۋ جۇمىستارىنا تجد, پوليتسيا, جەرگىلىكتى اتقارۋشى ورگاندار, تۋىستارى مەن تۇرعىندار تارتىلدى. بارلىعى 120-دان استام ادام, 15 تەحنيكا, 12 قايىق جانە 2 درون قولدانىلىپ جاتىر», دەدى وبلىستىق تجد ورىنباسارى اسحات ەرجانوۆ.
قازىرگى ۋاقىتتا ىزدەستىرۋ جۇمىستارى جالعاسىپ كەلەدى.
«تجد سۋ ايدىندارىندا قاۋىپسىزدىك ەرەجەلەرىن ساقتاۋ قاجەتتىگىن جانە بالالاردى قاراۋسىز قالدىرۋدىڭ دۇرىس ەمەستىگىن ەسكە سالادى», دەپ حابارلادى ۆەدومستۆو.
ىزدەۋ جاريالانعان اتىراۋلىق كۇدىكتىنىڭ 5 بالاسى مەملەكەت قاراۋىنا الىندى