الاكول اۋدانىنا قاراستى جاناما اۋىلىنداعى №54 سايلاۋ ۋچاسكەسىندە وبلىستىق «مەرەيلى وتباسى – 2025» بايقاۋىنىڭ جۇلدەگەرلەرى – شۋگاەۆتار اۋلەتى ۇيىمشىلدىق تانىتىپ, بىرلەسىپ كەلىپ ءوز تاڭداۋلارىن جاسادى, دەپ حابارلايدى Egemen.kz.
ءبىر شاڭىراقتان تاراعان ۇلكەن اۋلەتتىڭ 70 مۇشەسى سايلاۋ ۋچاسكەسىنە بىرگە كەلىپ, ەلدىك ىسكە دەگەن جاۋاپكەرشىلىك پەن ازاماتتىق بەلسەندىلىكتىڭ جارقىن ۇلگىسىن كورسەتتى. اۋلەتتىڭ ۇلكەندەرى دە, جاستارى دا قاتار قاتىسىپ, ەل بولاشاعىنا بەيجاي قارامايتىنىن بايقاتتى.
اسىرەسە, ولار بۇل ماڭىزدى كۇنگە نەمەرە مەن شوبەرەلەرىن دە ەرتە كەلگەنى كوپشىلىكتىڭ نازارىن اۋداردى. بۇل – جاس ۇرپاققا ەلدىك قۇندىلىقتار مەن ازاماتتىق جاۋاپكەرشىلىكتى ۇلگى ەتۋگە باعىتتالعان تاربيەلىك ءمانى زور قادام.
اتىراۋ وبلىسىندا 100 جاستاعى تىل ارداگەرى ۇيىندە داۋىس بەردى
«مەرەيلى وتباسى» اتانعان شۋگاەۆتار اۋلەتى تەك وتباسى ىشىندەگى تاتۋلىعىمەن عانا ەمەس, قوعام ومىرىنە بەلسەندى ارالاسۋىمەن دە تانىلىپ كەلەدى. بىرنەشە بۋىن وكىلدەرىنىڭ ءبىر مەزەتتە كەلىپ تاڭداۋ جاساۋى – ۇرپاق ساباقتاستىعى مەن ەلگە دەگەن قۇرمەتتىڭ ايقىن كورىنىسى.
وسىلايشا, جاناما اۋىلىندا اۋلەتتىڭ ۇلكەنى مەن كىشىسى قاتار كەلىپ, ەل بولاشاعىنا قاتىستى ماڭىزدى شەشىمدە ءوز ۇلەستەرىن قوستى.
رەفەرەندۋم ۋچاسكەسىنە كەلگەن ەرتەگى كەيىپكەرلەرى ەل نازارىن اۋداردى