الماتىدا رەسپۋبليكالىق رەفەرەندۋم قارساڭىندا تاۋەلسىز بايقاۋشىلاردىڭ اقپاراتتىق شتابىنىڭ ەكىنشى بريفينگى ءوتتى. شتاب داۋىس بەرۋ كەزەڭىندەگى جۇمىستى ۇيلەستىرۋ جانە قوعامدى جەدەل اقپاراتتاندىرۋ ماقساتىندا قۇرىلعان, دەپ حابارلايدى Egemen.kz.
بريفينگ بارىسىندا قاتىسۋشىلار شتاب جۇمىسىنىڭ بەلسەندى كەزەڭى باستالعانىن ايتتى. اقپاراتتىق الاڭ 14 ناۋرىزدان باستاپ جۇمىس ىستەپ, رەفەرەندۋم وتەتىن كۇنى بويى جانە داۋىس بەرۋ قورىتىندىلارى تولىق جاريالانعانعا دەيىن قىزمەتىن جالعاستىرادى.
ناۋرىزناما ونكۇندىگى اياسىندا «رەفەرەندۋم – 2026» اتتى ونلاين مارافون وتەدى
ۇيىمداستىرۋشىلاردىڭ ايتۋىنشا, شتابتىڭ نەگىزگى مىندەتى – ازاماتتار مەن بۇقارالىق اقپارات قۇرالدارىن داۋىس بەرۋ بارىسى تۋرالى جەدەل ءارى وبەكتيۆتى اقپاراتپەن قامتاماسىز ەتۋ. سونىمەن قاتار جالعان مالىمەتتەر مەن فەيك اقپاراتتاردىڭ تارالۋىنىڭ الدىن الۋ ءۇشىن اقپاراتتىڭ شىنايىلىعىن تەكسەرۋگە ەرەكشە نازار اۋدارىلادى.
شتاب جۇمىسىنىڭ تىكەلەي ترانسلياتسيالارى Independ.kz YouTube ارناسىندا كورسەتىلەدى. ال جەدەل جاڭالىقتار مەن انونستار الماتى قالاسىنىڭ قوعامدىق كوممۋنيكاتسيالار ورتالىعىنىڭ رەسمي الەۋمەتتىك جەلىلەرىندە جاريالانىپ وتىرادى.
ەرلان قارين: كونستيتۋتسيالىق رەفورما – قوعام بىرلىگى مەن حالىق ىنتىماعىنىڭ ايعاعى
بريفينگتە تاۋەلسىز باقىلاۋشىلار كواليتسياسىنىڭ قۇرامى دا تانىستىرىلدى. ونىڭ قۇرامىنا الماتى قالاسىندا 2,5 مىڭنان استام تاۋەلسىز باقىلاۋشىنى بىرىكتىرەتىن التى ۇكىمەتتىك ەمەس ۇيىم كىرگەن.
رەفەرەندۋم كۇنى استانا, الماتى جانە شىمكەنت قالالارىنان, سونداي-اق قازاقستاننىڭ وننان استام وڭىرىنەن تىكەلەي قوسىلىمدار ۇيىمداستىرۋ جوسپارلانىپ وتىر. بۇل داۋىس بەرۋ بارىسى تۋرالى جەدەل ءارى تولىق اقپارات تاراتۋعا مۇمكىندىك بەرەدى.
ورتالىق رەفەرەندۋم كوميسسياسى ۇگىت جۇمىستارىنىڭ قاشان اياقتالاتىنىن مالىمدەدى
بريفينگكە قاتىسۋشىلار ازاماتتاردى رەفەرەندۋم كەزەڭىندە اقپاراتقا جاۋاپكەرشىلىكپەن قاراۋعا, ارانداتۋشىلىققا ەرمەۋگە جانە تەك سەنىمدى دەرەككوزدەرگە سۇيەنۋگە شاقىردى. سونداي-اق ازاماتتاردىڭ داۋىس بەرۋگە قاتىسۋى دەموكراتيالىق ۇدەرىستەردىڭ ماڭىزدى بولىگى ەكەنى اتاپ ءوتىلدى.