ەلىمىزدە يپوتەكا ارقىلى تۇرعىن ءۇي ساتىپ الاتىن ازاماتتار ءۇشىن نوتاريالدىق ءراسىم قۇنى قايتا ارزانداتىلدى. ەندى يپوتەكامەن ءۇي ساتىپ الۋ كەزىندە ساتىپ الۋ-ساتۋ شارتىنىڭ نوتاريالدىق ءراسىمى 12 ەمەس, 4 اەك مولشەرىندە بەلگىلەندى. ءتيىستى وزگەرىستى ادىلەت مينيسترلىگى نوتاريالدىق تاريفتەر تۋرالى بۇيرىققا ەنگىزدى, دەپ جازادى Egemen.kz.
قۇجاتتا «ەگەر مامىلە يپوتەكالىق تۇرعىن ءۇي قارىزى ەسەبىنەن جىلجىمايتىن م ۇلىك ساتىپ الۋ ماقساتىندا جاسالسا – تاريف 4 اەك بولادى» دەپ ناقتى كورسەتىلگەن.
بۇل تۇزەتۋ ادىلەت ءمينيسترىنىڭ 2025 جىلعى 27 قىركۇيەكتەگى №533 بۇيرىعىنا ەنگىزىلدى. قۇجات 2026 جىلعى 26 اقپاندا ادىلەت مينيسترلىگىندە رەسمي تىركەلدى.
جاڭا تارتىپكە سايكەس, يپوتەكا ارقىلى تۇرعىن ءۇي ساتىپ الاتىندار ءۇشىن نوتاريۋستا مامىلە راسىمدەۋ اقىسى ستاندارتتى تاريفپەن سالىستىرعاندا ءۇش ەسە ارزان بولادى.
2026 جىلى 1 اەك – 4325 تەڭگە. سوعان سايكەس يپوتەكا ارقىلى ساتىپ الۋ-ساتۋ شارتىن راسىمدەۋ قۇنى:
- 4 اەك – 17 300 تەڭگە;- بۇرىن قولدانىلعان ستاندارتتى تاريف – 12 اەك نەمەسە 51 900 تەڭگە.
وسىلايشا, نوتاريۋستار ەندى يپوتەكامەن ءۇي ساتىپ الۋشىلاردان 4 اەك-تەن ارتىق اقى الۋعا قۇقىلى ەمەس.
نەگىزىندە يپوتەكالىق مامىلەلەرگە ارنالعان 4 اەك مولشەرىندەگى جەڭىلدىك بۇرىن دا بولعان. الايدا 2026 جىلعى 1 قاڭتاردان باستاپ كۇشىنە ەنگەن ادىلەت مينيسترلىگىنىڭ جاڭا بۇيرىعىندا بۇل نورما ناقتى كورسەتىلمەگەن.
قۇجاتتا تاريف تەك يپوتەكالىق قارىز شارتىنا قاتىستى جازىلىپ, يپوتەكا ارقىلى جاسالاتىن ساتىپ الۋ-ساتۋ كەلىسىمى تۋرالى ناقتى ايتىلماعان. وسى سەبەپتى بىرقاتار نوتاريۋس ستاندارتتى 12 اەك ءتاريفىن قولدانا باستاعان.
كەيىن باق ساۋالدارىنان سوڭ ادىلەت مينيسترلىگى قۇجاتقا ناقتىلاۋ ەنگىزىپ, جەڭىلدەتىلگەن ءتاريفتى رەسمي تۇردە بەكىتتى.
جەڭىلدەتىلگەن يپوتەكالارعا ءوتىنىم قابىلداۋ قاشان باستالادى؟
يپوتەكادان باسقا جاعدايلاردا تاريفتەر وزگەرىسسىز قالدى.
ەگەر ساتۋشى مەن ساتىپ الۋشى جەكە تۇلعالار جانە تۋىس ەمەس بولسا:− 12 اەك – 51 900 تەڭگە.
ەگەر تاراپتار جاقىن تۋىستار بولسا (اتا-انا, بالا, جۇبايلار, نەمەرە, تۋعان باۋىرلار):− 7 اەك – 30 275 تەڭگە.
ەگەر تاراپتاردىڭ ءبىرى زاڭدى تۇلعا بولسا:− 17 اەك – 73 525 تەڭگە.
ال مامىلەگە جۇبايىنىڭ نوتاريالدىق كەلىسىمى قاجەت بولسا:− 1,5 اەك – 6487 تەڭگە.
اۋىلدىق جەردەگى جىلجىمايتىن م ۇلىككە قاتىستى مامىلەلەردە تاريف تومەنىرەك بەلگىلەنگەن:
− تاراپتار تۋىس بولسا – 1,5 اەك (6487 تەڭگە);− تۋىس ەمەس بولسا – 2,7 اەك (11 678 تەڭگە);− تاراپتاردىڭ ءبىرى زاڭدى تۇلعا بولسا – 3 اەك (12 975 تەڭگە).
بۇل تاريفتەردى مامىلەنى قالاداعى نوتاريۋس راسىمدەسە دە قولدانۋعا بولادى.
زەينەتاقى جيناعىمەن يپوتەكا تولەۋ ەرەجەسى وزگەردى
نوتاريۋستا شارتقا قول قويۋ بىردەن مەنشىك قۇقىعى بەرىلدى دەگەندى بىلدىرمەيدى. ساتىپ الۋشى مامىلە مەملەكەتتىك تىركەۋدەن وتكەننەن كەيىن عانا ءۇيدىڭ تولىققاندى يەسى بولادى.
تىركەۋ قۇجاتتارىن نوتاريۋس ءوزى جولدايدى. ال ساتىپ الۋشى مەملەكەتتىك باج سالىعىن تولەيدى:
− 1304 تەڭگە (ققس-سىز) – پاتەر نەمەسە جەكە ءۇي ساتىپ العاندا.
مامىلەنى تىركەۋدىڭ ەكى نۇسقاسى بار:
− ستاندارتتى تىركەۋ – 3 جۇمىس كۇنى;− جەدەل تىركەۋ – شامامەن 2 ساعات (قۇنى 5000 تەڭگە).
eGov پورتالىنداعى جەكە كابينەتتە مەنشىك قۇقىعى تىركەلگەنى تۋرالى حابارلاما پايدا بولعاننان كەيىن مامىلە تولىق اياقتالعان بولىپ سانالادى.
يپوتەكانى قالاي ءتيىمدى تولەۋگە بولادى؟