قازاقستان تۋريستەرگە تارتىمدى ەلگە اينالدى: ەلىمىزدىڭ الەمدىك رەيتينگتەگى ورنى قانداي؟

دۇنيەجۇزىلىك ەكونوميكالىق فورۋم جاريالاعان يندەكس بويىنشا قازاقستان 119 ەلدىڭ ىشىندە 66-ورىننان 52-ورىنعا كوتەرىلدى. سالالىق ۆەدومستۆونىڭ پىكىرىنشە, بۇل – تۋريستىك ينفراقۇرىلىمدى دامىتۋ, قاۋىپسىزدىك دەڭگەيىن ارتتىرۋ جانە تۋريستەر ءۇشىن جايلىلىقتى جاقسارتۋ باعىتىندا جۇرگىزىلگەن جۇيەلى جۇمىستىڭ ناتيجەسى.

وتكەن جىلى رەسپۋبليكاعا شەتەلدەن شامامەن 16 ميلليون تۋريست كەلگەن. e‑Qonaq جۇيەسىنىڭ دەرەكتەرىنە سايكەس, ولاردىڭ باسىم بولىگى 30 بەن 50 جاس ارالىعىنداعى شەتەل ازاماتتارى.

قازاقستانعا ءجيى كەلەتىن تۋريستەردىڭ نەگىزگى ەلدەرى قاتارىندا رەسەي, وزبەكستان, قىتاي, ءۇندىستان, گەرمانيا جانە وڭتۇستىك كورەيا بار. سونداي-اق اراب ەلدەرىنەن كەلەتىن تۋريستەر سانى دا ارتىپ كەلەدى.

ايتا كەتەيىك, 2025 جىلدىڭ قورىتىندىسى بويىنشا تۋريزم سالاسىنا سالىنعان ينۆەستيتسيا كولەمى 1 ترلن 256 ملرد تەڭگەنى قۇراپ, 2024 جىلمەن سالىستىرعاندا 32 پايىزعا ارتقان.

حالىقارالىق ساراپشىلار الماتىنىڭ تاۋ ءتۋريزمىن دامىتۋعا قولداۋ ءبىلدىردى