اباي وبلىسىندا اسكەري تەحنيكانى پايدالانۋ كەزىندە العان اۋىر جاراقات سالدارىنان اسكەري قىزمەتشى كوز جۇمدى, دەپ حابارلايدى Egemen.kz.
Arnapress.kz حابارلاۋىنشا, قايعىلى وقيعا 5 ناۋرىز كۇنى بولعان.
«اسكەري تەحنيكانى پايدالانۋ كەزىندە قاۋىپسىزدىك تالاپتارىنىڭ بۇزىلۋى سالدارىنان كەلىسىمشارت بويىنشا قىزمەت ەتەتىن اسكەري قىزمەتشى ومىرىمەن ۇيلەسپەيتىن جاراقات الدى. وسى فاكتى بويىنشا سوتقا دەيىنگى تەرگەۋ امالدارى جۇرگىزىلىپ جاتىر. وقيعا ورنىندا قۇزىرلى ورگانداردىڭ وكىلدەرى جۇمىس ىستەپ جاتىر», دەپ حابارلادى اباي وڭىرلىك گارنيزونى.
قازاقستان قارۋلى كۇشتەرى قۇرلىق اسكەرلەرىنىڭ قولباسشىلىعى مەن جەكە قۇرامى قازا بولعان اسكەري قىزمەتشىنىڭ تۋعان-تۋىستارى مەن جاقىندارىنا كوڭىل ايتتى.
گارنيزون وكىلدەرى مارقۇمنىڭ وتباسىنا بەلگىلەنگەن ءتارتىپ بويىنشا قاجەتتى قولداۋ كورسەتىلەتىنىن جەتكىزدى.
اقتاۋدا مەرزىمدى اسكەري قىزمەتشى قازا تاپتى
ەسكە سالا كەتەيىك, قاڭتار ايىندا ماڭعىستاۋ وبلىسىندا كەلىسىمشارتتاعى اسكەري قىزمەتشى كاماز جۇك كولىگىنىڭ استىنا ءتۇسىپ, قازا بولعان. جول-كولىك وقيعاسى تۇنگى ۋاقىتتا تايعاق جولدا بولعان.
ماڭعىستاۋ وبلىسىندا اسكەري قىزمەتكەر قازا تاپتى