گرەك-ريم كۇرەسىنەن 17 جاسقا دەيىنگى جاسوسپىرىمدەر ساناتىندا جالپىكوماندالىق ەسەپتە الماتى وبلىسى 130 ۇپايمەن كوش باستادى. اباي وبلىسى 105 ۇپايمەن ەكىنشى ورىنعا تۇراقتاسا, شىمكەنت قالاسى 93 ۇپايمەن ۇزدىك ۇشتىكتى تۇيىندەدى. ال 20 جاسقا دەيىنگى جاستار اراسىندا الماتى وبلىسىنىڭ بالۋاندارى 131 ۇپايمەن توپ جاردى. شىمكەنت قالاسى 115 ۇپايمەن ەكىنشى, اقتوبە وبلىسى 104 ۇپايمەن ءۇشىنشى ورىنعا يە بولدى. ايەلدەر كۇرەسىنەن 17 جاسقا دەيىنگى قىزدار اراسىندا الماتى قالاسىنىڭ قۇراماسى 137 ۇپايمەن العا شىقتى. تۇركىستان وبلىسى 108 ۇپايمەن ەكىنشى, جەتىسۋ وبلىسى 94 ۇپايمەن ءۇشىنشى ورىنعا جايعاستى. 20 جاسقا دەيىنگى جاستار دوداسىندا الماتى قالاسىنىڭ سپورتشىلارى 177 ۇپايمەن توپ باستادى. تۇركىستان وبلىسى 144 ۇپايمەن ەكىنشى, الماتى وبلىسى 113 ۇپايمەن ءۇشىنشى ساتىعا كوتەرىلدى. ال ەركىن كۇرەستەن U17 ساناتىندا شىمكەنت قالاسى 128 ۇپايمەن جالپىكوماندالىق ەسەپتە ءبىرىنشى ورىنعا شىقتى. اباي وبلىسى 119 ۇپايمەن ەكىنشى ساتىعا تۇراقتاسا, الماتى قالاسى 118 ۇپايمەن ءۇشىنشى ورىندى يەلەندى. U20 ساناتىندا الماتى قالاسى 177 ۇپايمەن كوش باستاسا, تۇركىستان – 130, ال الماتى وبلىسى 108 ۇپايعا قول جەتكىزدى. بىرىنشىلىكتە سپورتشىلاردىڭ قايسار مىنەزى مەن شەبەرلىگى دە جوعارى باعالانىپ, «قايسار رۋح», «دارا ءتاسىل» اتالىمىمەن بىرنەشە بالۋان ماراپاتتالدى.
فۋتبولدان ەلىمىزدىڭ ايەلدەر قۇراماسى الەم چەمپيوناتىنا ىرىكتەۋ كەزەڭى اياسىنداعى ماتچتا جەڭىسكە جەتتى. ءوز الاڭىندا ارمەنيا ايەلدەر قۇراماسىنا قارسى سىنعا تۇسكەن قىزدار 3:0 ەسەبىمەن جەڭىسكە جەتتى. الەكساندرا بۋروۆا 35-مينۋتتا ەسەپ اشسا, انەل مامىروۆا – 76, بيبىگۇل نۇرىشەۆا 79-مينۋتتا ەنشىسىنە گول جازدى. ۇلتتىق قۇراما ويىنشىلارى 7 ناۋرىز كۇنى بەلارۋس قىزدارىنا قارسى تارتىسقا تۇسەدى.
كەشە نورۆەگيانىڭ ليللەحاممەر قالاسىندا شاڭعى سپورتى تۇرلەرىنەن جاسوسپىرىمدەر اراسىندا الەم چەمپيوناتى باستالدى. شاڭعىمەن تۇعىردان سەكىرۋ سايىسىندا جاسوسپىرىمدەر اراسىندا وليمپيادا چەمپيونى يليا ميزەرنىحقا زور سەنىم ارتىلىپ وتىر. سونىمەن قاتار داۆيد گاال, ارتەم مەشكوۆ, دانيل كالينكين, ۆيكتوريا رۋلەۆا, اناستاسيا گورۋنوۆا, اليسا سەدوۆا, الەنا سۆيريدەنكو جاھاندىق دودادا سىنعا تۇسەدى.
بۇگىن نيدەرلاندتىڭ حەرەنۆەن قالاسىندا كونكيمەن جۇگىرۋدەن كلاسسيكالىق جانە سپرينتەرلىك كوپسايىستان الەم چەمپيوناتى باستالادى. جاھاندىق الامانعا ەلىمىزدەن ءۇش سپورتشى قاتىسپاق. كلاسسيكالىق كوپسايىستا نادەجدا موروزوۆاعا ءۇمىت ارتىلسا, سپرينتەرلىك كوپسايىس دوداسىندا ارينا يلياششەنكو مەن ارتۋر عاليەۆ ايدىنعا شىعادى. الەم چەمپيوناتى 8 ناۋرىزدا مارەسىنە جەتەدى.