م. اۋەزوۆ اتىنداعى وڭتۇستىك قازاقستان ۋنيۆەرسيتەتىنە جۇمىس ساپارىمەن شۆەيتساريانىڭ قولدانبالى عىلىمدار ەكونوميكا جانە مەنەدجمەنت مەكتەبىنىڭ (Swiss-SASEM Business School) رەكتورى, پروفەسسور دومينيك دجوردان جانە اتالعان وقۋ ورنىنىڭ پرەزيدەنتى, پروفەسسور م. ەسكەنديروۆ كەلدى. ساپار اياسىندا اۋەزوۆ ۋنيۆەرسيتەتىندە شۆەيتساريا بيزنەس مەكتەبىنىڭ كابينەتى اشىلىپ, اكادەميالىق ىنتىماقتاستىقتىدامىتۋ جاعى تالقىلاندى, دەپ حابارلايدى Egemen.kz.
كەزدەسۋگە سونداي-اق شىمكەنتتىڭ ىسكەر توپ وكىلدەرى, ۋنيۆەرسيتەتتىڭ پروفەسسور-وقىتۋشىلارى مەن ستۋدەنتتەر قاتىستى.
ءىس-شارادا بيزنەس پەن باسقارۋ سالاسىنداعى ءبىلىمدى تەرەڭدەتۋ, زاماناۋي باسقارۋشى كادرلار دايارلاۋ,وقۋ ورنى مەن كاسىپكەرلىك ورتا اراسىنداعى ءوزارا بايلانىستى نىعايتۋ جايى ءسوز بولدى.
دينارا شۇكىجانوۆا: جاڭا كونستيتۋتسيا بيزنەستىڭ دامۋىنىڭ بەرىك نەگىزىن قالىپتاستىرادى
سونىمەن قاتار مامانداردىڭ بىلىكتىلىگىن ارتتىرۋ, باسقارۋشىلىق قۇزىرەتتەردى دامىتۋ, تاجىريبە الماسۋ جانە حالىقارالىق تاجىريبەدە قولدانىلاتىن زاماناۋي ءبىلىم بەرۋ تەحنولوگيالارىن ەنگىزۋ مۇمكىندىكتەرى سارالاندى.
باسقوسۋدا تسيفرلىق, ينتەراكتيۆتىك وقىتۋ ادىستەرى, يممەرسيۆتى, ۆيرتۋالدى تەحنولوگيالاردى قولدانۋ ارقىلى بيزنەس قۇرۋ مەن ونى باسقارۋدى ينتەراكتيۆتى مودەلدەيتىن زاماناۋي قۇرالدار تانىستىرىلدى.
پرەزيدەنت: بيزنەسكە شىن مانىندە قولايلى جاعداي جاسايتىن ناقتى شارالار قابىلداۋ كەرەك
ءوز كەزەگىندە تاراپتار ارىپتەستىكتى ودان ارى دامىتۋعا جانە بىرلەسكەن ءبىلىم بەرۋ باستامالارىن جۇزەگە اسىرۋعا قىزىعۋشىلىق تانىتتى.