الەۋمەتتىك جەلىلەردە جانە جەكەلەگەن بۇقارالىق اقپارات قۇرالدارىندا ءوتىنىش بەرگەن بارلىق ازاماتتارعا الەۋمەتتىك كومەك اۆتوماتتى تۇردە تاعايىندالادى دەگەن شىندىققا سايكەس كەلمەيتىن مالىمەتتىڭ تارالۋىنا بايلانىستى ەڭبەك جانە حالىقتى الەۋمەتتىك قورعاۋ مينيسترلىگىنىڭ تۇسىندىرمەسى جاريالاندى, دەپ حابارلايدى Egemen.kz.
الەۋمەتتىك كومەك – مەملەكەتتىڭ اتاۋلى قولداۋ شاراسى جانە بەلگىلەنگەن مۇقتاجدىق كريتەريلەرىنە سايكەس كەلەتىن, ومىرلىك قيىن جاعدايعا تاپ بولعان ازاماتتارعا عانا كورسەتىلەدى.
eGov پورتالى ۋاقىتشا جۇمىس ىستەمەيدى
مينيسترلىكتىڭ حابارلاۋىنشا, كومەك تاعايىنداۋ قولدانىستاعى زاڭنامادا جانە ءماسليحاتتاردىڭ شەشىمدەرىندە ايقىندالعان نەگىزدەر بويىنشا جۇزەگە اسىرىلادى, بەلگىلەنگەن تالاپتارعا سايكەستىگى قۇجات جۇزىندە راستالعان جاعدايدا عانا مۇمكىن بولادى.
«eGov پورتالى ارقىلى ءوتىنىش بەرۋ – الەۋمەتتىك كومەككە جۇگىنۋدىڭ ءبىر ءتاسىلى عانا جانە ونىڭ اۆتوماتتى تۇردە تاعايىندالۋىنا كەپىلدىك بەرمەيدى.
كومەك الۋشى ساناتتاردىڭ تىزبەسى, كومەكتى كورسەتۋ شارتتارى جانە قاجەتتى قۇجاتتار ءتىزىمى ءار وڭىردە ءماسليحاتتار تاراپىنان جەكە-جەكە بەكىتىلەدى جانە جەرگىلىكتى اتقارۋشى ورگانداردىڭ رەسمي ينتەرنەت-رەسۋرستارىندا ورنالاستىرىلادى», دەلىنگەن حابارلامادا.
بارلىق تۇسكەن وتىنىشتەر جەرگىلىكتى اتقارۋشى ورگانداردا بەلگىلەنگەن تارتىپپەن قارالادى.
الەۋمەتتىك كومەك مايشەلپەك ەمەس
سالا مينيسترلىگى ازاماتتاردى اقپاراتتى تەك رەسمي دەرەككوزدەردەن الۋعا شاقىرىپ, جالعان اقپارات تاراتۋ زاڭ بويىنشا جاۋاپقا تارتىلاتىنىن ەسكە سالادى.
قاڭتاردا قانشا ادام اتاۋلى الەۋمەتتىك كومەك الدى؟