ەلىمىزدە قىزىلشا دەرەگى انىقتالعان جاعدايدا ەكپە الماعان بالالار بالاباقشا مەن مەكتەپكە ۋاقىتشا قابىلدانبايدى. بۇل شارا ينفەكتسيانىڭ تارالۋىن تەجەۋگە باعىتتالعان, دەپ جازادى Egemen.kz.
ءتيىستى قاۋلىعا ەلىمىزدىڭ باس مەملەكەتتىك سانيتاريالىق دارىگەرى سارحات بەيسەنوۆا قول قويدى. قۇجات 19 اقپاننان باستاپ كۇشىنە ەندى.
قاۋلىعا سايكەس, ءبىلىم بەرۋ باسقارمالارىنىڭ باسشىلارى بالالاردى ۆاكتسينامەن قامتۋ دەڭگەيىن كەمىندە 90%-دان تومەن تۇسىرمەۋدى باقىلاۋعا, سونداي-اق ءبىلىم بەرۋ ۇيىمدارىندا كۇن سايىن «تاڭعى تەكسەرىس» جۇرگىزۋگە مىندەتتى. ياعني تاڭەرتەڭ وقۋشىلار مەن پەداگوگتەر تەكسەرىلىپ, اۋرۋ بەلگىلەرى بار ادامداردىڭ عيماراتقا كىرۋىنە جول بەرىلمەيدى. سونىمەن بىرگە اتا-انالارعا يممۋنداۋدىڭ ماڭىزى تۋرالى ءتۇسىندىرۋ جۇمىستارى كۇشەيتىلەدى.
اتىراۋدا جۇزدەگەن ادامنىڭ قىزىلشا جۇقتىرعانى حابارلاندى
بۇدان بولەك, قىزىلشا تىركەلگەن جاعدايدا ەكپە الماعان بالالاردى بالاباقشا مەن مەكتەپتەن ۋاقىتشا شەتتەتۋ تاپسىرىلدى.
الماتىدا قىزىلشا اۋرۋىنا شالدىعۋ كورسەتكىشى ءوستى
بۇعان دەيىن سانيتاريالىق-ەپيدەميولوگيالىق باقىلاۋ كوميتەتى ەلدە ەكپەدەن جاپپاي باس تارتۋ سالدارىنان ۇجىمدىق يممۋنيتەتتىڭ السىرەگەنىن حابارلاعان ەدى. رەسمي دەرەككە سايكەس, قىزىلشا جۇقتىرعان بالالاردىڭ 59%-ى اتا-اناسىنىڭ قارسىلىعىنا بايلانىستى ۆاكتسينا الماعان.
ەندى قىزىلشاعا قارسى ۆاكتسينا مىندەتتى: استانا اۋرۋحانالارىنا بالا قابىلداۋ ەرەجەسى وزگەردى