قازاقستاننىڭ سەيسميكالىق ستانتسيالار جەلىسى الماتىدان وڭتۇستىك-شىعىسقا قاراي 311 شاقىرىم قاشىقتىقتا جەر سىلكىنىسىن تىركەدى. جەراستى دۇمپۋلەرىنىڭ وشاعى قىرعىزستان مەن قىتاي شەكاراسىنا جاقىن اۋماقتا ورنالاسقان, دەپ جازادى Egemen.kz.
توتەنشە جاعدايلار مينيسترلىگى تاراتقان مالىمەتكە سايكەس, جەر سىلكىنىسىنىڭ ماگنيتۋداسى 5,3 MPV-ءدى قۇراعان, ال تەربەلىس وشاعى 15 شاقىرىم تەرەڭدىكتە بولعان. ءدۇمپۋ الماتى وبلىسىنىڭ بىرنەشە ەلدى مەكەنىندە سەزىلگەن.
ەسەپتىك مالىمەتتەر بويىنشا, نارىنقول مەن كەگەن اۋىلدارىندا جەر سىلكىنىسىنىڭ كۇشى 3 بالل شاماسىندا تىركەلدى. ال ساتى, كوكپەك, شەلەك, قايىپوۆا, مالوۆودنوە جانە تۇرگەن اۋىلدارىندا 2 بالل دەڭگەيىندە سەزىلگەن. بۇل ەلدى مەكەندەردىڭ ەپيتسەنتردەن اراقاشىقتىعى 66 شاقىرىمنان 269 شاقىرىمعا دەيىن جەتەدى.
كاسپي تەڭىزىندە جەر سىلكىنىسى تىركەلدى
سونداي-اق 2 بالدىق جەر سىلكىنىسىن جاركەنت قالاسىنىڭ تۇرعىندارى دا سەزگەن. قالا جەتىسۋ وبلىسى اۋماعىندا ورنالاسقان.
الدىن الا مالىمەتكە سايكەس, جەر سىلكىنىسى سالدارىنان قيراعان عيماراتتار مەن زارداپ شەككەندەر تۋرالى اقپارات تۇسكەن جوق. قۇزىرلى ورگاندار جاعدايدى باقىلاۋدا ۇستاپ وتىر.
ەسكە سالا كەتەيىك, بۇدان ەكى بۇرىن 2-4 بالل ارالىعىنداعى جەر سىلكىنىسى سەزىلگەن ەدى. كەيىن ماماندار وزەن ارنالارىن, گيدروتەحنيكالىق قۇرىلىستاردى, كوشكىن جانە سەل قاۋىپى بار ۋچاسكەلەرگە مونيتورينگ جۇرگىزدى.