كەيدە دۇكەنگە كىرىپ شىققاندا نەمەسە جول بويىندا ايالداعاندا كولىگىڭىزدىڭ ءنومىرى جوق بولىپ شىعادى. بۇل جاعداي پوليتسيانىڭ زاڭ شەڭبەرىندە ءنومىردى الىپ كەتۋىمەن بايلانىستى بولۋى مۇمكىن. وسىنداي جاعدايدا اۆتوموبيل يەسىنىڭ ءنومىردى قايتارۋ جولدارى زاڭمەن بەكىتىلگەن, دەپ جازادى Egemen.kz.
ەڭ الدىمەن ەسكە سالساق, مەملەكەتتىك ءنومىر كولىك يەسىنە ەمەس, مەملەكەتكە تيەسىلى. «جول ءجۇرىسى تۋرالى» زاڭعا سايكەس, ءسىز تەك ءنومىردى كولىكتە قولدانۋعا ارنالعان باج سالىعىن تولەيسىز. سوندىقتان ءتارتىپ ساقشىلارى ءنومىردى الىپ كەتۋگە قۇقىلى. الايدا, پوليتسيا وكىلى ءنومىردى زاڭسىز شەشىپ الىپ كەتپەيدى. اكىمشىلىك كودەكستىڭ 795-بابى, 10-بولىگىندە ءنومىردى ەكى كۋاگەردىڭ نەمەسە كولىك يەسىنىڭ كوزىنشە الۋ, سونىمەن بىرگە سەبەپتى ءتۇسىندىرۋ مىندەتى قاراستىرىلعان. ءنومىر الىنىپ, حاتتاما تولتىرىلسا, وعان كۋاگەرلەر مەن يەسى قول قويادى. قاجەت بولعان جاعدايدا سوتقا شاعىمدانۋعا نەمەسە ايىپپۇل كۇشىن جويۋعا بولادى.
پوليتسيا ءنومىردى ءارتۇرلى جول ەرەجەلەرىن بۇزعان جاعدايدا الا الادى. مىسالى, شىعارىندىلار نورمادان اسىپ كەتكەن, تەحنيكالىق رەگلامەنت تالاپتارىن ورىنداماعان, رۇقساتسىز قايتا جابدىقتالعان نەمەسە جول-كولىك اپاتىنا سەبەپ بولعان كولىكتەر. ءار باپقا سايكەس ايىپپۇل سومالارى 5-تەن 60 اەك-كە دەيىن وزگەرىپ, جۇرگىزۋشىنى كۋالىگىنەن ۋاقىتشا ايىرۋعا سەبەپ بولۋى مۇمكىن.
كولىك ءنومىرىن تاڭداۋ: 5 قاڭتاردان باستاپ كەز كەلگەن ءارىپ پەن ساندى ساتىپ الۋعا بولادى
ءنومىردى ىزدەگەندە الدىمەن ونىڭ قايدا الىنعانىن انىقتاۋ قاجەت. ەگەر پوليتسيا زاڭعا سايكەس السا, حاتتامادا قايدا بارۋ كەرەگى كورسەتىلەدى. ەگەر ءنومىر ەسكەرتۋسىز الىنسا, اۋداندىق پوليتسيا بولىمشەسىنەن ىزدەۋگە بولادى. كەزەكشى ماماننان ءنومىردىڭ ناقتى قايدا ەكەنىن سۇراڭىز نەمەسە پوليتسەيلەردىڭ وزىنەن رەسمي تۇردە قايتارۋدى تالاپ ەتۋگە بولادى.
ءنومىردى قايتارۋ ءۇشىن الدىمەن پوليتسيا العان سەبەپتى جويۋ كەرەك. مىسالى, گاز شىعاراتىن كولىكتى جوندەپ, تەحنيكالىق باقىلاۋدان وتكىزۋ قاجەت دەگەن سىندى سەبەبىن ءتۇسىندىرۋ قاجەت. تەحنيكالىق رەگلامەنتكە ساي ەمەستىگىن تۇزەگەن سوڭ, قۇزىرلى ورگان وكىلىنە كورسەتىپ, ءنومىردى قايتا الۋعا بولادى. ەگەر كولىك زاڭسىز قايتا جابدىقتالعان بولسا, ونى باستاپقى قالپىنا كەلتىرىپ, قاجەتتى انىقتامالاردى الىپ, پوليتسيا بولىمشەسىنە بارۋ كەرەك. ايىپپۇل سالىنسا, الدىمەن ونى تولەۋ مىندەتتەلەدى. باسقا جاعدايلاردا ماسەلەنى شەشۋ ءۇشىن اۋداندىق اكىمشىلىك پراكتيكا بولىمىنە جۇگىنۋ ۇسىنىلادى.
ەندى كولىك نومىرىنە ءموبيلدى قوسىمشا ارقىلى تاپسىرىس بەرۋگە بولادى