بەلگىلى قوعام قايراتكەرى نۇرلان يمام TikTok جەلىسىندەگى تىكەلەي ەفير بارىسىندا قازاقستاننىڭ جاڭا كونستيتۋتسياسى جوباسىنىڭ توڭىرەگىندە قوعامنىڭ توپتاسۋى قاجەت ەكەنىن مالىمدەدى, دەپ حابارلايدى Egemen.kz.
ول بۇل پىكىرىن قازىرگى ساياسي وزگەرىستەر مەن الداعى رەفەرەندۋمنىڭ ماڭىزى تۋرالى جازىلۋشىلاردىڭ سۇراقتارىنا جاۋاپ بەرۋ كەزىندە ءبىلدىردى.
نۇرلان يمام ەڭ الدىمەن نەگىزگى زاڭ جوباسىن ازىرلەپ, حالىققا ءتۇسىندىرىپ جاتقان ماماندار مەن وتانشىل ازاماتتارعا سەنىم ءبىلدىرۋ قاجەتتىگىن اتاپ ءوتتى.
«جالپى, وسى وزگەرىستەردى حالىقتىڭ الدىنا الىپ شىعىپ, ايتىپ جاتقان ازاماتتارىمىز – ەڭ ءبىرىنشى بۇلار ءبىزدىڭ مەملەكەتىمىزدىڭ ازاماتتارى, جاراندارى. ەلىمىزدىڭ كەلەشەگىن, بولاشاعىن ويلاعان ەلەۋلى ازاماتتار جانە سونىڭ ماماندارى دەپ ەسەپتەيمىن», دەدى ول.
ونىڭ ايتۋىنشا, زاڭ جوباسىن ازىرلەۋشىلەردىڭ ماقساتى – ەلدىڭ دەربەستىگىن ساقتاۋ جانە حالىقتىڭ مۇددەسىن قورعاۋ.
«بىزگە قيانات ويلاپ, ءبىزدى الداپ, بىرەۋدىڭ يەلىگىنە, بىرەۋدىڭ مەنشىگىنە, بىرەۋدىڭ قولىنىڭ استىنا تاۋەلدى قىلىپ بەرگىسى كەلمەيتىن ارلى, وجداندى, نامىستى, بولاشاعىن ويلاعان
مەملەكەت باسشىسىنان باستاپ بارلىعى سونداي ازاماتتار دەپ ەسەپتەيمىن», دەپ اتاپ ءوتتى نۇرلان يمام.
رەفەرەندۋمعا ارنالعان رەسمي سايت ىسكە قوسىلدى
سونداي-اق ول ءاربىر ازاماتتىڭ رەفەرەندۋمعا قاتىسۋىنىڭ ماڭىزدىلىعىنا توقتالىپ, مەملەكەت حالىقتىڭ پىكىرىن ەسكەرەتىنىن ايتتى.
«سوندىقتان دا وسى جاعدايدى قابىلداپ, بارشامىز ءبىر اۋىزدان داۋىس بەرىپ, رەفەرەندۋمعا قاتىسىپ, ەلىمىزدىڭ قاجەتتىلىگى, بولاشاعى, ۋايىمىمىزدى اشىق بىلدىرگەن كەزدە, مەملەكەت باسشىسىنىڭ ءوزى وعان زەردەلەي قاراپ, ايتىلعان سوزدەرمەن ساناسۋدى تابىستاعانىن جاقسى بىلەسىزدەر. دەمەك, بۇل – ءبىز ءۇشىن, بولاشاعىمىز ءۇشىن وتە ماڭىزدى قادام», دەدى قوعام قايراتكەرى.
نۇرلان يمامنىڭ ايتۋىنشا, وزگەرىستەر كەزەڭىندە ەل بىرلىگىن ساقتاۋ جانە ارانداتۋشىلاردىڭ جەتەگىنە ەرمەۋ اسا ماڭىزدى.
«ويىمىزدى ەركىن جەتكىزگەن كەزدە, كەي كەزدە ارانداتۋشىلارعا, ورتاداعى ىرتكى سالۋشىلارعا, پايدا كورۋشىلەرگە, ياعني پروۆوكاتور دەيمىز, وندايلارعا ىلەسپەۋگە شاقىرامىن. ەلىمىزگە ءبىر تەرى تامباعان, ءبىر تيىن سالىم سالماعان ازاماتتاردىڭ, ءسوز سويلەپ, ءبىر بىرىمىزگە ايداپ سالىپ جاتقان ايداعىنا ەرىمەڭىزدەر», دەدى ول.
رەفەرەندۋم الەمدىك باق نازارىندا
نۇرلان يمام قازاقستاندىقتاردى بىرلىككە شاقىرا وتىرىپ, ەل اماندىعىن تىلەدى.
«بىرلىكتى بولايىق, تىرلىكتى بولايىق. ءىسىمىز العا باسىپ, ەلىمىز امان بولسىن, اعايىن!», دەپ تۇيىندەدى ءسوزىن نۇرلان يمام.
ورتالىق رەفەرەندۋم كوميسسياسىنىڭ ۇندەۋى