الماتى قالاسىنىڭ بوستاندىق اۋدانىندا گيننەستىڭ رەكوردتار كىتابىنا ەنۋدەن ءۇمىتتى, ۇزىندىعى 110 مەترگە جەتەتىن سىرماق توقىلىپ جاتىر, دەپ جازادى Egemen.kz.
اماندىق بولسا, اق اجەلەرىمىز توقىپ جاتقان ەرەكشە سىرماق ءداستۇر مەن شەبەرلىكتى, ۇلتتىق بولمىستى توعىستىرعان قولونەرشىلىكتى دە دارىپتەيدى. اۋدان اكىمدىگىنىڭ قولداۋىمەن «قازاق انالارى» اجەلەر قاۋىمداستىعى ۇزىندىعى 110 مەتر بولاتىن بىرەگەي سىرماقتى ناۋرىز مەيرامىنا قاراي توقىپ ءبىتۋى ءتيىس. وسىناۋ تاماشا باستاما گيننەستىڭ رەكوردتار كىتابىنا تىركەۋگە ۇسىنىلعالى وتىر.
الماتىدا ۇلتتىق ويۋ-ورنەك داستۇرىنە ارنالعان كورمە اشىلدى
سىرماق ءداستۇرلى كيىز باسۋ, تىگۋ تەحنولوگيالارىن ساقتاي وتىرىپ, تولىقتاي قولمەن اتقارىلادى. ويۋ-ورنەكتەردە قازاقى ناقىشتىڭ كلاسسيكالىق ۇلگىلەرى پايدالانىلىپ, ءداستۇر جالعاستىعى, قولونەرگە دەگەن قۇرمەت پەن ۇلتتىق مۇرانى ساقتاۋعا دەگەن ۇمتىلىس كورىنىس تابادى.
Bloomberg-تەن CNN-گە دەيىن: الەمدىك باق الماتىنى ۇزدىك 25 قالانىڭ قاتارىنا قوستى
زەرلى باستاما كولەمىمەن عانا ەمەس, مازمۇندىق مانىمەن دە ايرىقشا. جوبا ۇلتتىق ساندىك-قولدانبالى ونەردى دارىپتەۋگە, اعا بۋىننىڭ قوعامداعى ءرولىن نىعايتۋعا جانە ءداستۇرلى قۇندىلىقتاردى جاس ۇرپاققا ناسيحاتتاۋعا باعىتتالعان. سونىمەن كولدەي ۇزىن كوركەم سىرماق ناۋرىز مەرەكەسىنە وراي جۇرتتىڭ نازارىنا ۇسىنىلىپ, ۇلتتىڭ بىرلىگى مەن بايلىعىن, شەبەرلىك ءداستۇرىنىڭ ومىرشەڭدىگىن ايشىقتاماق.
الماتى وبلىسىندا ءبىر وتباسى ءۇيىن كۇن پانەلدەرى ارقىلى جىلىتىپ وتىر