جاقىندا اقتوعاي اۋدانىنىڭ اكىمى ابىلاي امانجولوۆ «دەنساۋلىق ساقتاۋ سالاسىن جاڭعىرتۋ» ۇلتتىق جوباسى اياسىندا اۋداندىق ورتالىق اۋرۋحاناعا التى جاڭا سانيتارلىق اۆتوكولىكتىڭ كىلتىن سالتاناتتى تۇردە تابىس ەتتى, دەپ حابارلايدى Egemen.kz.
جاڭا اۆتوكولىكتەر اۋدان ورتالىعىنداعى اۋرۋحانا مەن شاشۋباي, شۇبارتاۋ, قارابۇلاق, شابانباي بي جانە جيدەباي اۋىلدىق وكرۋگتەرىندەگى مەديتسينالىق پۋنكتتەرگە جەتكىزىلەدى. ولار تۇرعىندارعا جەدەل ءارى ساپالى مەديتسينالىق قىزمەت كورسەتۋگە ۇلكەن مۇمكىندىك بەرەدى.
استانا ەمحانالارىنا 50 جاڭا اۆتوكولىك بەرىلدى
ءىس-شاراعا اۋدان اكىمىمەن قاتار قوعامدىق ۇيىم وكىلدەرى دە قاتىسىپ, مەديتسينا قىزمەتكەرلەرىن قۇتتىقتاپ, تۇرعىندارعا ىزگى تىلەكتەرىن ءبىلدىردى. ابىلاي امانجولوۆ جاڭا اۆتوكولىكتەر اۋىل حالقىنىڭ دەنساۋلىعىن قورعاۋدا جانە مەديتسينالىق كومەكتى ۋاقىتىلى كورسەتۋ تۇرعىسىنان ماڭىزدى ءرول اتقاراتىنىن اتاپ ءوتتى.
تۇركىستان وبلىسىنىڭ جەدەل-جاردەم قىزمەتى 77 كولىكپەن تولىقتى
ايتا كەتەيىك, بۇل باستاما پرەزيدەنت تاپسىرماسىنا سايكەس جۇزەگە اسىرىلىپ وتىر. جوبا اۋىل تۇرعىندارىنىڭ دەنساۋلىعىن جاقسارتۋعا جانە مەديتسينالىق قىزمەتتىڭ قولجەتىمدىلىگىن ارتتىرۋعا باعىتتالعان.