قىزىلوردا وبلىسى پوليتسيا دەپارتامەنتى وسى سالاداعى باستى جەتىستىك رەتىندە جولداعى قۇقىقبۇزۋشىلىقتاردى اۆتوماتتى تۇردە انىقتايتىن 124 قۇرىلعىنىڭ جۇمىس ىستەپ تۇرعانىن ايتادى. وسى ارقىلى 7 مىڭعا جۋىق قۇقىق بۇزۋشىلىق انىقتالعان, دەپ جازادى Egemen.kz.
قىزىلوردا قالاسىنان اقتوبە وبلىسىنىڭ شەكاراسىنا دەيىنگى ارالىقتاعى 6 ستاتسيونارلىق باقىلاۋ بەكەتتەرىندە ورتاشا جىلدامدىقتى ولشەۋ قۇرىلعىلارى ىسكە قوسىلدى. ال رەسپۋبليكالىق ماڭىزى بار اۆتوموبيل جولدارىندا باقىلاۋدى كۇشەيتۋ ءۇشىن جاقىن ورنالاسقان 32 ەلدى مەكەننىڭ ۋچاسكەلىك پوليتسيا ينسپەكتورلارى قىزمەتتىك اۆتوكولىكتەرىمەن كۇن سايىن ساعات 12:00 مەن 13:00 جانە 19:00 مەن 22:00 ارالىعىندا قوسىمشا كۇش رەتىندە كەزەكشىلىككە بەكىتىلدى.
جولداعى «قارالى ستاتيستيكا» قاشان ازايادى؟
سونىمەن قاتار رەسپۋبليكالىق ماڭىزى بار اۆتوموبيل جولدارىنىڭ بويىنداعى قاۋىپتى سانالاتىن 51 اۋماق بويىنشا مالىمەتتەردى «ياندەكس» ناۆيگاتسيالىق قوسىمشاسىنا ەنگىزۋ جونىندە ۇسىنىس بەرىلدى.
اۆتوجول بويىندا قارسى باعىتقا شىعۋدى, بۇرىلىس ەرەجەلەرىن بۇزۋدى جانە باسقا دا قۇقىقبۇزۋشىلىقتاردى انىقتاۋ ماقساتىندا دەپارتامەنت تەڭگەرىمىندەگى 4 جانە «قازاقتەلەكوم» مەكەمەسىنىڭ قولداۋىمەن قوسىمشا 2 درون جول بويىن باقىلايدى.