سيرەك اڭدارمەن تولىقتى

الماتى حايۋاناتتار باعى – قازاقستانداعى ەڭ كونە جانە بەدەلدى زووباقتاردىڭ ءبىرى. اۋما­عى 21 گەكتاردى قام­تيتىن دەمالىس ورنىن 385 تۇرگە جاتاتىن 4 مىڭنان استام جانۋار, قۇس جانە باۋىرى­مەن جورعالاۋشى مەكەندەيدى. ولاردىڭ 76 ءتۇرى حالىقارالىق تابي­عاتتى قورعاۋ ودا­عىنىڭ قا­ۋىپ­­­­­سىزدىك تىزىمىنە, ال 24 ءتۇرى قازاق­­­ستاننىڭ قىزىل كىتابىنا ەنگىزىلگەن.

«وتكەن جىلى زوو­باققا كە­لۋشىلەر سانى 1,2 ميلليون ادامعا جەتتى. بۇل ءبىزدىڭ زووباق­تىڭ ەلدەگى جانە ايماقتاعى تانىمالدىعىن ايقىن كورسەتەدى. جىل سايىن كەلۋشىلەر سانىنىڭ ارتۋى – ءبىزدىڭ جۇمىسىمىزدىڭ جانە تابيعاتتى قورعاۋ ميسسيامىزدىڭ كورىنىسى», دەيدى الماتى قالالىق مادەنيەت باس­قارماسىنىڭ باسشىسى دانيار اليەۆ.

بىلتىر الماتى حايۋاناتتار باعى ەۋروپالىق زووباقتار مەن اكۆاريۋمدار قاۋىمداستىعىنىڭ تولىققاندى مۇشەسى اتانعان. بۇل مارتەبە زووباقتىڭ حا­لىقارالىق ستاندارتتارعا ساي ەكەنىن, جانۋارلاردى قورعاۋ جانە عىلىمي زەرتتەۋلەردە جاڭا مۇمكىندىكتەرگە قول جەتكىزەتىنىن راستايدى.

 دانيار اليەۆتىڭ ايتۋىنشا, باق بيىل اۋقىمدى رەكونسترۋكتسيادان وتەدى. جوبانىڭ ماقساتى – كەلۋشىلەرگە جايلى اۋان سىيلاۋ ءھام دەمالىس ورنىن تا­نىمدىق تۇرعىدان جاڭا دەڭگەيگە كوتەرۋ. جوبا ويداعىداي اياقتالار بولسا, زووباققا جىلىنا 2 ميلليون ادام كەلەدى دەپ جوسپارلانعان.

شەتەلدىك تۋريس­تەر الماتى حايۋاناتتار باعىن – جانۋارلار الەمىنە جەتەلەيتىن تا­نىم­دىق الاڭ عانا ەمەس, بالالار مەن ەرەسەكتەرگە ءبىلىم مەن اسەر سىيلايتىن ەرەكشە ورىن دەپ باعالاعان. جاڭا كەزەڭدە زووباق الماتىنىڭ عانا ەمەس, بۇكىل ورتالىق ازيانىڭ ەڭ ءىرى زاماناۋ­ي ورتالىعىنا اينالماق.

الماتى