قازاقستاننىڭ ءار وڭىرىنەن شىققان ۆەلوشاباندوزدار كونتينەنتالدىق XDS Astana Development Team كومانداسىمەن كەلىسىمشارتقا وتىردى. ولاردىڭ قاتارىندا قاراعاندى وبلىسىنىڭ ساران قالاسىنىڭ سپورتشىسى ۆلاديسلاۆ باشلىكوۆ تا بار. بۇل – سپورتشى ءۇشىن حالىقارالىق ارەنادا ءوزىن تانىتۋعا بەرىلگەن جاڭا مۇمكىندىك, دەپ جازادى Egemen.kz.
قازاقستان ۆەلوسيپەد سپورتى فەدەراتسياسىنىڭ مالىمەتىنشە, XDS Astana Development Team كومانداسىمەن كەلىسىمشارتقا قول قويۋ – شاباندوزداردىڭ كاسىبي مانسابىنداعى ماڭىزدى كەزەڭ ءارى ولاردىڭ جوعارى حالىقارالىق دەڭگەيدە ونەر كورسەتۋگە دايىن ەكەنىن كورسەتەدى.
«XDS Astana Development Team كومانداسىمەن كەلىسىمشارتقا وتىرۋ سپورتشىلاردىڭ مانسابىنداعى ماڭىزدى قادام. جاڭا ماۋسىمدا ۆەلوشاباندوزدار حالىقارالىق جارىستارعا قاتىسىپ, قۇندى باسەكەلىك تاجىريبە جيناقتاپ, XDS Astana Team جۇيەسىندە كاسىبي دامۋىن جالعاستىرادى», دەدى فەدەراتسيا وكىلدەرى.
قاراعاندىلىق كاراتەشىلەر الەم چەمپيوناتىندا ەكى التىن مەدال جەڭىپ الدى
قازىرگى ۋاقىتتا ۆلاديسلاۆ باشلىكوۆ ازيا چەمپيوناتىنا دايىندالىپ جاتىر. ول يسپانياداعى وقۋ-جاتتىعۋ جيىندارىندا ءجۇر. كاسىبي كەلىسىمشارتقا قول جەتكىزۋ – سپورتشىنىڭ تاباندى ەڭبەگى مەن ۇزدىكسىز جاتتىعۋلارىنىڭ ناتيجەسى.
XDS Astana Development Team كومانداسىنىڭ حابارلاۋىنشا, 2026 جىلعى ماۋسىمداعى العاشقى جارىس اقپان ايىندا وتەتىن «تۋر پروۆانس» كوپكۇندىگى بولماق.
قاراعاندى وبلىسى
تيمۋر تۋرلوۆ ساتىپ العاننان كەيىن قاراعاندىلىق ء«شاحتيوردى» قانداي وزگەرىستەر كۇتىپ تۇر؟