MacRumors باسىلىمىنىڭ مالىمەتىنشە, Apple كومپانياسى ءوزىنىڭ ونداعان جىلدار بويى قالىپتاسقان ءداستۇرىن بۇزىپ, iPhone شىعارۋ كەستەسىن تۇبەگەيلى وزگەرتۋدى جوسپارلاپ وتىر. 2026 جىلدىڭ كۇزىندە ۇيرەنشىكتى iPhone 18 مودەلى تانىستىرىلمايدى دەگەن بولجام بار, دەپ حابارلايدى Egemen.kz.
2025 جىلى شىققان iPhone 17 ۇلكەن سۇرانىسقا يە بولعانىنا قاراماستان, Apple كەلەسى بۋىننىڭ بازالىق مودەلىن شىعارۋدى 2027 جىلدىڭ كوكتەمىنە شەگەرۋى مۇمكىن. بۇل كومپانيا تاريحىندا فلاگماندىق مودەلدىڭ جاڭارتىلۋىن تۇتاس ءبىر كۇنتىزبەلىك جىلعا وتكىزىپ جىبەرگەن العاشقى جاعداي بولماق.
نەگىزگى سەبەپتەر:
2026 جىلدىڭ سوڭىنا قاراي Apple-ءدىڭ ساتىلىمداعى مودەلدەرى تىم كوبەيىپ كەتەدى (iPhone 16e, iPhone Air, iPhone 17, جاڭا جينالمالى iPhone جانە ت.ب.). كومپانيا جوعارى دەڭگەيلى (Pro) مودەلدەر مەن جاڭا تەحنولوگيالاردى (بۇكتەمەلى تەلەفون) كۇزدە تانىستىرىپ, بيۋدجەتتىك ءارى ستاندارتتى مودەلدەردى جىلدىڭ ەكىنشى جارتىسىنا (كوكتەمگە) قالدىرۋدى كوزدەيدى. ونىمدەردى شىعارۋ ۋاقىتىن بولشەكتەۋ زاۋىتتارداعى جۇكتەمەنى ازايتىپ, كومپونەنتتەردىڭ جەتىسپەۋشىلىگىن بولدىرماۋعا كومەكتەسەدى.