يراندا اۋىر ەكونوميكالىق داعدارىس پەن قۇنسىزدانۋدىڭ كەسىرىنەن تۋىنداعان قاقتىعىس بەسىنشى كۇن قاتارىنان باسىلماي تۇر. سوڭعى مالىمەتتەرگە سايكەس, قاقتىعىس كەزىندە كەمىندە التى ادام اجال قۇشىپ, ونداعان شەرۋشى قاماۋعا الىنعان, دەپ حابارلايدى Egemen.kz.
امەريكالىق Associated Press اگەنتتىگىنىڭ بەيسەنبى, 1 قاڭتار كۇنى كەشكە تاراتقان مالىمەتىنە سۇيەنسەك, ەكونوميكالىق شيەلەنىسكە بايلانىستى ءوتىپ جاتقان شەرۋلەر كەزىندە كەمىندە التى ادام قازا تاپقان. العاشقى قۇرباندار تۋرالى اقپاراتتى Reuters اگەنتتىگى دە جەرگىلىكتى باق پەن قۇقىق قورعاۋ ۇيىمدارىنا سىلتەمە جاساي وتىرىپ تاراتتى.
يراندا قاقتىعىستار بارىسىندا بىرنەشە ادام قازا تاپتى
نارازىلىق قالاي باستالدى؟تولقۋلار 28 جەلتوقساندا تەگەراندا باستالدى. الدىمەن ۇيالى تەلەفون ساتاتىن دۇكەن يەلەرى, كەيىن باسقا دا كاسىپكەرلەر ەكونوميكانىڭ ناشارلاۋىنا نارازىلىق رەتىندە ساۋدا نۇكتەلەرىن جاپتى. كوپ ۇزاماي بۇل اكتسيالارعا باسقا ءىرى قالالاردىڭ تۇرعىندارى دا قوسىلدى.
30 جەلتوقساندا العاشقى قاقتىعىستار تىركەلىپ, ءتارتىپ ساقشىلارى كوز جاساۋراتاتىن گاز قولدانا باستادى.
يران پرەزيدەنتى ماسۋد پەزەشكيان ىشكى ىستەر مينيسترلىگىنە شەرۋشىلەرمەن ديالوگ ورناتىپ, ولاردىڭ زاڭدى تالاپتارىن تىڭداۋدى تاپسىردى. سونىمەن قاتار كۇشتىك قۇرىلىمدار بۇل وقيعالاردى «سىرتقى جاۋلاردىڭ قاستاندىعى» دەپ اتاپ, حالىقتى جيىنعا قاتىسپاۋعا شاقىردى.
1 قاڭتارداعى مالىمەت بويىنشا, تەگەراندا قوعامدىق ءتارتىپتى بۇزعانى ءۇشىن 30 ادام قاماۋعا الىنعان.