ۋكرايناداعى سوعىس باستالعالى بەرى رەسەي جالپى اۋماقتىڭ شامامەن 19,25 %-ىن باسىپ العان. الايدا 2025 جىلى مايدان شەبىندەگى قيان-كەسكى شايقاستارعا قاراماستان, باسقىنشى اسكەردىڭ العا جىلجۋ قارقىنى ۋكراينا اۋماعىنىڭ 1%-ىنا دا جەتپەگەن, دەپ حابارلايدى Egemen.kz.
Usbanov Telegram-ارناسىنىڭ مالىمەتىنشە, DeepState اناليتيكالىق جوباسى سوعىس كارتاسىنا تالداۋ جاساپ, جاۋلاپ الىنعان اۋماقتاردىڭ ناقتى كولەمىن ەسەپتەپ شىعاردى.
ۋكرايناعا قانداي قاۋىپسىزدىك كەپىلدىگى بەرىلۋى مۇمكىن؟
وتكەن جىلى رەسەي ۋكراينانىڭ 4 336 كم² اۋماعىن وككۋپاتسيالاعان. بۇل ەلدىڭ جالپى اۋماعىنىڭ شامامەن 0,72%-ى.
2023 جىلدىڭ 1 قاڭتارىنان 2026 جىلدىڭ 1 قاڭتارىنا دەيىنگى ارالىقتا جاۋلاپ الىنعان جەر كولەمى – 7 463 كم² (ۋكراينا تەرريتورياسىنىڭ 1,23%-ى).
ەۋرووداق ۋكرايناعا 90 ملرد ەۋرو اۋدارادى
سوعىس باستالعاننان بەرى رەسەي تولىقتاي باقىلاۋىنا العان اۋماق 116 165 كم²-گە جەتتى. بۇل بۇكىل ۋكراينانىڭ 19,25%-ىنا تەڭ.
ەسكە سالايىق, زەلەنسكي ۋكراينادا سايلاۋ وتكىزۋگە دايىن ەكەنىن مالىمدەپ, اقش-تان جانە ەۋروپالىق ارىپتەستەردەن سايلاۋدى وتكىزۋ ءۇشىن قاۋىپسىزدىكتى قامتاماسىز ەتۋدى سۇراعان ەدى.
سونداي-اق بۇعان دەيىن زەلەنسكي قازاقستاندا پۋتينمەن كەزدەسۋگە دايىن ەكەنىن ايتقان.