سولتۇستىك قازاقستان وبلىستىق پد ءباسپاسوز قىزمەتى وتكەن جىلدى قورىتىندىلاپ, وزدەرىنىڭ نازارىنا ىلىككەن 10 پوزيتسيانى ايرىقشا اتاپ ءوتتى, دەپ حابارلايدى Egemen.kz.
سونىڭ ىشىندە «جىلدىڭ قۇتقارۋشىسى» اتاعىنا مامليۋت اۋدانىنىڭ ۋچاسكەلىك ينسپەكتورى قادىربەك يسين يە بولدى. ول اۋدارىلعان قايىقتان سۋعا باتىپ بارا جاتقان 13 جاستاعى بالانى مۇزدى سۋدان الىپ شىققان. وسى ەرلىگىنە ول «ەرلىگى ءۇشىن» مەدالىمەن ناگرادتالدى. «جىلدىڭ كۇلكىلى وقيعاسى» دەپ قىلمىسكەردىڭ بەينەكامەرا ءتۇسىرىپ تۇرعاندا زەرگەرلىك شەبەرحانانى توناپ, ودان العان زاتتاردى شۇبەرەككە وراپ, وسى جەردەگى ءوزىنىڭ پالاتاسىنا تىعىپ, سوسىن شەبەرحانانى كۇيدىرمەك بولعان امالى بولدى. ونىڭ ۇرلاعان زاتتارى 1 ملن تەڭگەدەن ارتىق ەكەن, ال ءورت قويۋ ارقىلى شەبەرحاناعا كەلتىرىلگەن زيانى ءالى تولىق ەسەپتەلگەن جوق.
«جىلدىڭ جكو» رەتىندە ماۋسىم ايىندا بولعان وقيعا تىركەلدى. وندا پەتروپاۆلدىڭ اينالما جولىمەن كەلە جاتقان «Mercedes» گازبەن جۇرەتىن «گازەل»-مەن سوعىسىپ, ۇلكەن ءورت بولعان ەدى. سونىڭ سالدارىنان ءتورت ادام كوز جۇمعان. «جىل كومەگى» دەگەن نوميناتسيادا پوليتسەيلەردىڭ الاياقتاردىڭ ارباۋىنا ءتۇسىپ, اقشاسىنان ايرىلىپ قالا جازداعان قارت ادامدارعا كومەك بەرىپ, قالتاسىنىڭ قاعىلۋىنان الىپ قالعان 20 وقيعاسى تىركەلگەن. ال «جىل قۇرىقتالۋشىسى» دەگەن اتقا 23 اقپان مەن 23 شىلدەدە ۇستالعان 5 ادامنان تۇراتىن ەكى الاياقتار توبى لايىق بولعان. ەكى توپ كيبەرالاياقتىق جولىمەن 56 ەپيزود بويىنشا زارداپ شەككەندەردىڭ 250 ملن تەڭگەسىن قاقشىپ كەتكەن ەكەن. «جىلدىڭ ەسىرتكى قۇرىقتالۋشىسى» نوميناتسياسى بويىنشا 27 جاستاعى استانالىق كۋرەردى قۇرىقتاۋ اتالعان. ونىڭ بويىنان 1 كگ ەسىرتكىلىك زاتتار تابىلعان. قازىر كۋرەر 8,5 جىلعا سوتتالىپ, جازاسىن وتەپ جاتىر.
«جىلدىڭ سپورت جەتىستىكتەرى» قاتارىندا ارنايى جەدەل وترياد قىزمەتكەرلەرى ن.جاقىپوۆ پەن ي.بەكوۆتىڭ كيكبوكسينگتەن وتكەن الەم كۋبوگىندە العاشقىسى التىن, سوڭعىسى قولا مەدال اكەلگەندەرى ايتىلعان. سونىمەن قاتار ليۆەرپۋل قالاسىندا بوكستان بولعان الەم چەمپيوناتىندا ن.بوگدانوۆانىڭ چەمپيون بولعانى اتالعان.
پەتروپاۆل