بيىل اباي وبلىسىندا وڭ وزگەرىستەر مەن ناقتى قادامدارعا تولى جىل بولدى. ينفراقۇرىلىمنان باستاپ ءوندىرىس, اۋىل شارۋاشىلىعى, ينۆەستيتسيا جانە الەۋمەتتىك سالاعا دەيىنگى باعىتتاردا قولعا الىنعان جۇمىستار ءوڭىردىڭ دامۋ قارقىنىن ايقىن كورسەتتى. وڭىردەگى وزگەرىستەر مەن اتقارىلعان ىستەرگە رەسمي اقپاراتتىق رەسۋرستارى نەگىزىندە شولۋ جاساپ كورگەن ەدىك.
جىلدىڭ 11 ايىنىڭ قورىتىندىسىنا سايكەس, ءوڭىر ەكونوميكاسىنا 495,2 ملرد تەڭگە ينۆەستيتسيا سالىندى. ونىڭ ىشىندە سەمەي قالاسىنىڭ ۇلەسىنە 144,8 ملرد تەڭگە تيەسىلى, بۇل جالپى كولەمنىڭ 29,2 پايىزىن قۇرايدى.
جىل باسىنان بەرى وڭىردە ىسكە اسىرىلىپ جاتقان ينۆەستيتسيالىق جوبالار سانى 29-دان 98-گە دەيىن ارتتى. ال تارتىلاتىن ينۆەستيتسيا كولەمى 2,2 ترلن تەڭگەدەن 3,8 ترلن تەڭگەگە دەيىن ۇلعايدى. بۇگىندە ولاردىڭ 51 جوباسى ۇلتتىق تسيفرلىق ينۆەستيتسيالىق پلاتفورماعا ەنگىزىلگەن.
بيىل 14 جوبانى ىسكە اسىرۋ, 30,3 ملرد تەڭگە ينۆەستيتسيا تارتۋ جانە 510 جاڭا جۇمىس ورنىن قۇرۋ جوسپارلانعان. قازىر 11 جوبا جۇزەگە اسىرىلىپ, 333 جۇمىس ورنى اشىلدى, جوبالاردىڭ جالپى قۇنى 22,4 ملرد تەڭگەنى قۇرايدى. ونىڭ ىشىندە سەمەي قالاسىندا 6 جوبا ىسكە اسىرىلىپ, 21,2 ملرد تەڭگە ينۆەستيتسيا تارتىلىپ, 339 جۇمىس ورنى قۇرىلدى.
جىل سوڭىنا دەيىن تاعى 3 جوبانى ىسكە اسىرۋ جانە قوسىمشا 175 جاڭا جۇمىس ورنىن اشۋ جوسپارلانىپ وتىر. بۇل كورسەتكىشتەر اباي وبلىسىندا ينۆەستيتسيالىق بەلسەندىلىكتىڭ ايتارلىقتاي ارتقانىن جانە ءوڭىر ەكونوميكاسىنىڭ قارقىندى دامىپ كەلە جاتقانىن ايقىن كورسەتەدى.
جىل باسىنان بەرى وبلىس اكىمى بەرىك ءۋالي 100-دەن استام شەتەلدىك ينۆەستورمەن كەزدەسۋ وتكىزىپتى. «ۇلكەن التاي» حالىقارالىق سۋبوڭىرلىك كونفەرەنتسياسى اياسىندا قىتاي حالىق رەسپۋبليكاسىنان كەلگەن ينۆەستورلارمەن 15 مەموراندۋمعا قول قويىلىپ, ولاردىڭ جالپى قۇنى 1,5 ملرد اقش دوللارىن قۇرادى.
سەمەيدە ەرەكشە كەشەن اشىلدى
بۇگىندە قىتايلىق سەرىكتەستەردىڭ قاتىسۋىمەن جالپى قۇنى 39,5 ملرد تەڭگە بولاتىن 3 ءىرى جوبا ىسكە اسىرىلىپ جاتىر. اتاپ ايتقاندا, XinYi ltd كومپانياسىنىڭ 2 ملرد تەڭگەلىك كوممۋنالدىق بازارى, Suto Group كومپانياسىنىڭ 27 ملرد تەڭگەلىك چيپ شىعارۋ زاۋىتى, Universal SM كومپانياسىنىڭ 7,5 ملرد تەڭگەلىك اعاش وڭدەۋ زاۋىتى. اتالعان جوبالاردىڭ بارلىعى 2026 جىلى پايدالانۋعا بەرىلەدى دەپ جوسپارلانعان. سونىمەن قاتار «تۋعان جەرگە تۋىڭدى تىك» ينۆەستيتسيالىق فورۋمى اياسىندا جالپى سوماسى 336 ملرد تەڭگەنى قۇرايتىن 15 كەلىسىمگە قول قويىلدى. ونىڭ ىشىندە 31,7 ملرد تەڭگەنى قۇرايتىن ەكى جوبا جەدەل ىسكە اسىرىلدى.
اتاپ ايتقاندا, «Pana Complex Semey» قوناقۇي كەشەنى ىسكە قوسىلىپ, قۇنى 5,7 ملرد تەڭگەنى قۇرادى. كەشەن 180 ورىنعا, 130 نومىرگە ەسەپتەلگەن جانە 105 جاڭا جۇمىس ورنى اشىلدى. سونداي-اق قۇنى 26 ملرد تەڭگە بولاتىن «Semey Mall» ساۋدا-ويىن-ساۋىق ورتالىعى پايدالانۋعا بەرىلىپ, ىسكە قوسىلعاننان كەيىن 100 جاڭا جۇمىس ورنىن اشۋ جوسپارلانىپ وتىر.
اۋىل شارۋاشىلىعىنداعى احۋالجىلدىڭ 11 ايىندا وڭىردە اۋىل شارۋاشىلىعى سالاسىندا وڭ ءوسىم قالىپتاستى. جالپى اۋىل شارۋاشىلىعى ءونىمىنىڭ كولەمى 24,2%-عا ۇلعايىپ, 515,1 ملرد تەڭگەنى قۇرادى. ناقتى كولەم يندەكسى 100,9% دەڭگەيىندە تىركەلدى. مال شارۋاشىلىعى سالاسىندا دا ءوسىم بايقالادى. بۇل باعىتتاعى ناقتى كولەم يندەكسى 105,3%-عا جەتتى. اگروونەركاسىپ كەشەنىنە تارتىلعان ينۆەستيتسيا كولەمى 31,6 ملرد تەڭگەنى قۇراپ, 2024 جىلمەن سالىستىرعاندا 4,4%-عا ارتتى.
اباي وبلىسىندا 500 بالاعا ارنالعان وقۋشىلار سارايى اشىلدى
ەسەپتى كەزەڭدە بارلىق تۇردەگى ەت ءوندىرىسى 105,1%-عا ءوسىپ, 126,0 مىڭ تونناعا جەتسە, ءسۇت ءوندىرىسى 106,6%-دى قۇراپ, 297,5 مىڭ توننا بولدى. جۇمىرتقا ءوندىرىسى 54,5 ملن داناعا جەتتى. مال باسى سانى بويىنشا ءىرى قارا – 772,0 مىڭ باس (وتكەن جىلمەن سالىستىرعاندا 99,7%), ۇساق مال – 1 235,8 مىڭ باس (100,9%), جىلقى – 378,6 مىڭ باس (103,2%), ال قۇس سانى 1 587,8 مىڭ باسقا جەتىپ, 127,8% ءوسىم كورسەتتى.
كۇزگى جيىن-تەرىن كولەمى ارتتىبيىل اباي وبلىسىندا اۋىل شارۋاشىلىعى داقىلدارىنىڭ ەگىن جيناۋ الاڭى 782,1 مىڭ گەكتاردى قۇرادى. بۇل وتكەن جىلمەن سالىستىرعاندا 22,0 مىڭ گەكتارعا ارتىق. 2025 جىلعى 1 جەلتوقساندا وڭىردە كۇزگى جيىن-تەرىم ناۋقانى تولىق اياقتالدى. ناتيجەسىندە ءداندى جانە ءداندى-بۇرشاقتى داقىلدار القابىنان 348,9 مىڭ توننا استىق باستىرىلدى. مايلى داقىلداردىڭ ەگىس جانە جيناۋ الاڭى دا ايتارلىقتاي ۇلعايدى. اتالعان كورسەتكىش وتكەن جىلمەن سالىستىرعاندا 42,5 مىڭ گەكتارعا ارتتى. سونىڭ ناتيجەسىندە گەكتارىنا ورتا ەسەپپەن 15,0 تسەنتنەر ءونىم الىنعان, جالپى كولەمى 509,2 مىڭ توننادان استام مايلى داقىل جينالىپ, ءوڭىر ءۇشىن رەكوردتىق دەڭگەيگە قول جەتكىزىلدى.
وسىعان وراي اباي وبلىسىندا اگرارلىق سالاعا قولداۋ كۇشەيتىلىپ, قارجىلاندىرۋ كولەمى ارتتى. جىل باسىنان بەرى وڭىردە اۋىل شارۋاشىلىعى سالاسىن جاڭعىرتۋ باعىتىندا ناقتى جۇمىستار اتقارىلدى. اتاپ ايتقاندا, 592 بىرلىك جاڭا اۋىل شارۋاشىلىعى تەحنيكاسى ساتىپ الىنىپ, تەحنيكا پاركىن جاڭارتۋ دەڭگەيى 6,7%-دى قۇرادى. بۇل كورسەتكىش جوسپارلانعان 6,5%-دان جوعارى.
ەگىن جانە مال شارۋاشىلىعىن قولداۋعا باعىتتالعان «كەڭ دالا» باعدارلاماسى اياسىندا وسى جىلى وبلىستىڭ 202 ديقانشىلارىنا 9,5 ملرد تەڭگە كولەمىندە جەڭىلدەتىلگەن نەسيە بەرىلدى. بۇل وتكەن جىلمەن سالىستىرعاندا نەسيەلەندىرۋ كولەمىنىڭ 4,6 ملرد تەڭگەگە ارتقانىن كورسەتەدى.
سەمەيدە 25 مىڭ ورىندىق ستاديوننىڭ قۇرىلىسى باستالدى
سونىمەن قاتار 2025 جىلعا ارنالعان «اۋىل اماناتى» باعدارلاماسىنا 1,0 ملرد تەڭگە قارجى ءبولىندى. جالپى 10 اۋدان بويىنشا 2,8 ملرد تەڭگە سوماسىنا 326 جوبا قالىپتاستىرىلىپ, اتالعان جوبالار قازاقستان رەسپۋبليكاسى ۇلتتىق ەكونوميكا مينيسترلىگىندە ءساتتى قورعالدى. اتالعان ءىس-شارالار اۋىل شارۋاشىلىعى ءوندىرىسىن ارتتىرۋعا, اۋىل تۇرعىندارىنىڭ تابىسىن كوبەيتۋگە جانە ءوڭىردىڭ اگروونەركاسىپتىك الەۋەتىن نىعايتۋعا باعىتتالعان.
تازالىق مادەنيەتى تۇراقتى ۇردىسكە اينالدىجىل باسىنان بەرى اباي وبلىسىندا ءار سەنبى سايىن كەڭ اۋقىمدى تازالىق اكتسيالارى ۇيىمداستىرىلىپ كەلەدى. بۇل يگى ىسكە وبلىس بويىنشا 350 مىڭعا جۋىق تۇرعىن بەلسەندى قاتىسىپ, قورشاعان ورتانى قورعاۋعا ءوز ۇلەستەرىن قوستى.
اكتسيالار بارىسىندا 182 مىڭ اۋلا, 3 055 ساياباق پەن سكۆەر, سونداي-اق تاريحي ەسكەرتكىشتەر تازارتىلدى. ناتيجەسىندە 52 مىڭ توننا قاتتى تۇرمىستىق قالدىق شىعارىلدى. بۇل كورسەتكىشتەر وڭىردە تازالىقتى ساقتاۋ جۇمىستارىنىڭ جۇيەلى تۇردە جۇرگىزىلىپ جاتقانىن كورسەتەدى.
بيىل اباي وبلىسىنا 500-گە جۋىق ادام قونىس اۋداردى
اتالعان باعىتتاعى جۇمىستار الداعى ۋاقىتتا دا تۇراقتى تۇردە جالعاسىن تابادى. سونىمەن قاتار, حالىق اراسىندا تازالىق مادەنيەتىن قالىپتاستىرۋعا باعىتتالعان اقپاراتتىق-ءتۇسىندىرۋ جۇمىستارىن كۇشەيتۋ اسا ماڭىزدى. ويتكەنى سانا تازارماي, قالا مەن اۋىلدىڭ تازالىعى تولىق قامتاماسىز ەتىلمەيتىنى بارشامىزعا ءمالىم.
تازالىق – تەك ءبىر كۇندىك شارا ەمەس, ءار ازاماتتىڭ كۇندەلىكتى داعدىسىنا اينالۋى ءتيىس.
جىلۋمەن جابدىقتاۋ جۇيەسى جاڭعىرتىلدىوڭىردە ورتالىقتاندىرىلعان جىلۋمەن جابدىقتاۋ 3 قالا مەن 5 اۋداندى قامتيدى. قازىرگى تاڭدا 46 جىلۋ كوزىندە 183 قازان اگرەگاتى جۇمىس ىستەيدى.
سەمەي قالاسىندا 12 جىلۋ كوزى جاڭعىرتىلىپ, قازاندىقتار مەن قوسالقى جابدىقتار اۋىستىرىلدى. سونىمەن قاتار 13,6 شاقىرىم جىلۋ جەلىسى قايتا جاڭعىرتىلىپ, بۇل جۇيەنىڭ سەنىمدىلىگى مەن ەنەرگيا تيىمدىلىگىن ارتتىردى.
اياگوز قالاسىنداعى «ورتالىق» قازاندىقتا ءۇش قازان اۋىستىرىلىپ, جىلۋ قۋاتى ارتتى. قوسا اتقارىلعان جەلىلەردى سالۋ جانە اۋىستىرۋ جۇمىستارىنىڭ ناتيجەسىندە 2026 جىلى مىڭنان استام تۇرعىندى ورتالىقتاندىرىلعان جىلۋمەن قامتۋ جوسپارلانعان.
كۋرچاتوۆ قالاسى مەن بىرقاتار اۋدانداردا دا جىلۋ كوزدەرى مەن جەلىلەرىندە جوندەۋ جۇمىستارى جۇرگىزىلدى. سونىڭ ناتيجەسىندە وبلىس بويىنشا جىلۋ جەلىلەرىنىڭ توزۋ دەڭگەيى 59,3%-دان 55,6%-عا, ال سەمەي قالاسىندا 61,5%-دان 58,2%-عا تومەندەدى.