قوستاناي وبلىسىن ءبىر-اق كۇن ىشىندە باسىپ قالعان قالىڭ قار جول قاتىناسىن قيىنداتىپ, جۇرتتى ابىگەرگە سالىپ قويدى. پوليتسيا, جول قىزمەتى, تجد قۇتقارۋشىلارى كۇشەيتىلگەن رەجىمدە جۇمىس ىستەپ جاتىر, دەپ جازادى Egemen.kz.
وبلىستىق پوليتسيا دەپارتامەنتى باستىعىنىڭ ورىنباسارى امانجول بايزاكوۆتىڭ ايتۋىنشا, جول قاۋىپسىزدىگىن قامتاماسىز ەتۋ ءۇشىن تاۋلىگىنە 115 پوليتسيا ءاۆتوپاترۋلى قىزمەتكە شىعادى. پوليتسيا ەكيپاجدارى قار قۇرساۋىندا قالعان جۇرگىزۋشىلەرگە كومەك كورسەتۋگە دايىن. پاترۋلدىك اۆتوكولىكتەر جولدا قالعان اۆتوكولىكتەرگە تروس, پيما, ەتىك, كۇرەك, جانارمايى قاتىپ قالعان كولىكتەردى قىزدىراتىن بەنزوقۇرىلعى جەتكىزىپ بەرەدى.
وڭىردە رەسپۋبليكالىق جانە وبلىستىق ماڭىزى بار 8 جولدىڭ بويىنداعى قوزعالىس شەكتەلدى. بۇگىن پوليتسيا قىزمەتكەرلەرى قوستاناي قالاسىنان اۋليەكولگە بارا جاتقان 50 اۆتوكولىكتى قار قۇرساۋىنان شىعارعان.
قوستاناي وبلىسى