ەلىمىزدە 2030 جىلعا قاراي 1000-عا جۋىق جولاۋشىلار ۆاگونى جاڭارتىلادى. بۇل تۋرالى پرەمەر-مينيستر ولجاس بەكتەنوۆ دەپۋتاتتىق ساۋالعا بەرگەن جاۋابىندا مالىمدەدى. جوسپار بويىنشا كەلەسى جىلدىڭ وزىندە 91 جاڭا ۆاگون جەتكىزىلىپ, بىرنەشە تانىمال باعىتتار بويىنشا قاتىناي باستايدى, دەپ حابارلايدى Egemen.kz.
ۇكىمەت باسشىسىنىڭ مالىمەتىنشە, 2026 جىلى قولدانىسقا بەرىلەتىن جاڭا ۆاگوندار كەلەسى مارشرۋتتار بويىنشا بولىنەدى:
استانا – شىمكەنت (№85/86) – ەكى قۇرام; استانا – اتىراۋ (№47/48) – ەكى قۇرام; استانا – جەزقازعان (№65/66) – ءبىر قۇرام.سونىمەن قاتار 2026 جىلدىڭ ءساۋىر ايىنان باستاپ «قاراعاندى – جەزقازعان» پويىزىنىڭ باعىتىن اقتاۋ قالاسىنا دەيىن ۇزارتۋ جوسپارلانعان. ۆاگونداردى جاڭارتۋ كەزەڭ-كەزەڭىمەن جۇزەگە اسىرىلادى. اتاپ ايتساق, 2026 جىلى بارلىعى 191 ۆاگون, 2027 جىلى – 104, 2028 جىلى – 105, 2029 جىلى – 104 جانە 2030 جىلى 102 ۆاگون پايدالانۋعا بەرىلەدى.
تەمىرجولدان بولەك, اۋە قاتىناسىن دامىتۋعا دا باسىمدىق بەرىلمەك. 2026 – 2028 جىلدار ارالىعىندا اقتاۋ قالاسىنان قوستاناي, قاراعاندى, اتىراۋ, اقتوبە, ورال, پەتروپاۆل جانە تاراز قالالارىنا قاتىنايتىن اۋەمارشرۋتتاردى قولداۋ ءۇشىن قوسىمشا قارجى ءبولۋ كوزدەلگەن.