ورال قالاسىندا ءبىر ءۇيدىڭ بەس بالاسى مەن اناسى تابيعي گازدان ۋلانىپ قالدى. قازىرگى ۋاقىتتا زارداپ شەككەندەردىڭ بارلىعى دارىگەرلەردىڭ ءجىتى باقىلاۋىندا, دەپ حابارلايدى Egemen.kz.
وبلىستىق دەنساۋلىق ساقتاۋ باسقارماسىنىڭ مالىمەتىنشە, وقيعا 18 جەلتوقسان كۇنى بولعان.
قازىرگى ۋاقىتتا بەس بالا زاچاگان كەنتىندە ورنالاسقان وبلىستىق كوپبەيىندى بالالار اۋرۋحاناسىنا جاتقىزىلعان. ولاردىڭ جاعدايى تۇراقتى باقىلاۋعا الىنعان. ال بالالاردىڭ اناسى قالالىق كوپبەيىندى اۋرۋحانادا ەم قابىلداپ جاتىر.
مامانداردىڭ ايتۋىنشا, ايەلدىڭ جاعدايى ورتاشا اۋىر دەپ باعالانعان. ۆەدومستۆو وكىلدەرى زارداپ شەككەندەردىڭ بارلىعىنا قاجەتتى مەديتسينالىق كومەك كورسەتىلىپ جاتقانىن مالىمدەدى.