س.مۇقانوۆ اتىنداعى سولتۇستىك قازاقستاننىڭ قازاق سازدى دراما تەاترى بۇگىنگى تاڭدا وبلىستىڭ تاماشا مادەنيەت وشاعى بولىپ وتىر. ءوزى دە تاماشا, ۇجىمى دا تاماشا وردا حالىقارالىق جانە رەسپۋبليكالىق ونەر سايىستارىنىڭ جۇلدەگەرى بولىپ كەلەدى. جۋىردا عانا تۇركىستاندا بولعان تەاترلار اراسىنداعى فەستيۆالدا س.مۇقانوۆتىڭ ء«مولدىر ماحابباتىن» كورسەتىپ, باس جۇلدەنى الىپ كەلدى دەپ حابارلايدى Egemen.kz.
ال كەشە عانا تەاتردىڭ ديرەكتورى, ءانشى, اكتەر, رەجيسسەر ءبىرجان جالعاسباەۆ ءوزىنىڭ ساحناداعى ەڭبەگىنىڭ 25 جىل تولۋىنا وراي شىعارماشىلىق كەشىن وتكىزدى. الماتىداعى ت.جۇرگەنوۆ اتىنداعى ونەر ينستيتۋتىنىڭ سوڭعى كۋرسىندا وقىپ جۇرگەن ءبىر توپ جاس 2000 جىلى قىزىلجاردا اشىلاتىن جاڭا تەاترعا شاقىرتۋ الادى. سول جىلى شىمىلدىعىن تۇرگەن تەاتردا اقجارقىن سارسەبەكتىڭ قويىلىمىندا «اققان جۇلدىز» دراماسى كورسەتىلگەن.
سول ۋاقىتتان بەرى قىزىلوردالىق جاس اكتەر ءبىر ورىننان تاپجىلماي ءوسىپ, بيىكتەرگە قول جەتكىزىپ, بيىل «قازاقستاننىڭ ەڭبەك سىڭىرگەن قايراتكەرى» اتاعىن دا الىپ, تەاترمەن بىرگە ورلەپ كەلەدى.
ول شىعارماشىلىق كەشىن دە ءبىر دەممەن, ەش ادامدى جالىقتىرماي ءبىر ءوزى عانا ونەرىن كورسەتىپ, قىسقا ۋاقىتتا ەۋروپالىق تارتىپپەن وتكەرىپ شىقتى. ءبىرجاننىڭ جارى مايرا دا ونەرپاز, ول قۇرمانعازى كونسەرۆاتورياسىنىڭ تۇلەگى, ۇلاعاتتى ۇستاز. قىزىلجارلىقتار ءبىرجاننىڭ الداعى ۋاقىتتاردا دا بيىك تابىستارعا جەتەتىنىنە سەنىمى مول.
قىزىلجار