قىزىل كىتاپقا ەنگەن الاتاۋ بايشەشەگى (Crocus alatavicus) قىستا گۇلدەدى. بۇل تۋرالى ىلە الاتاۋ ۇلتتىق پاركىنىڭ ءباسپاسوز قىزمەتى حابارلادى. ادەتتە بايشەشەكتىڭ بۇل ءتۇرى ناۋرىز نەمەسە ءساۋىر ايىندا عانا گۇل اشقان, دەپ جازادى Egemen.kz.
ۇلتتىق پارك مالىمەتىنشە, بايشەشەكتىڭ ەرتە گۇلدەۋىنە بيىلعى اۋا رايىنىڭ تۇراقسىزدىعى مەن جىلى بولۋى اسەر ەتكەن.
«ىلە الاتاۋى مەملەكەتتىك ۇلتتىق پاركى سيرەك كەزدەسەتىن بۇل قۇبىلىستى باقىلاپ وتىر. تۋريستەر مەن تابيعات سۇيەر قاۋىمنان وسىمدىكتەردى جۇلماي, تاپتاماي جانە ولاردىڭ تابيعي ورتاسىن ساقتاۋدى سۇرايمىز», دەلىنگەن حابارلامادا.