قوردىڭ ناقتى قولداۋى

اشىلۋ سالتاناتىنا وبلىس اكى­مىنىڭ ورىنباسارى الىبەك الدەنەي, قوردىڭ باسقارما تور­اعاسى ءلاززات شىڭعىسباەۆا, قام­قور­شىلىق كەڭەس مۇشەسى, ءماجى­لىس دەپۋتاتى مۇرات ابەنوۆ, وبلىستىق ءبىلىم باسقار­ما­سىنىڭ باسشىسى دۋلات جەكەباەۆ, قالا اكىمى عالىم ءاشىموۆ, وقۋ­شى­لار مەن اتا-انالار, سپورتشىلار قاتىستى.

سالتاناتتى جيىن بارىسىندا قوناقتار №8 جانە №17 جالپى ءبىلىم بەرەتىن مەكتەپتەردەگى جاڭا سپورت جانە وقۋ ينفراقۇرىلىمىمەن تانىستى, سونداي-اق «بالالار تەح­نوپاركىندە» بولدى.

«قازاقستان حالقىنا» قورى­نىڭ باسقارما توراعاسى ءلاززات شىڭ­عىس­باەۆانىڭ ايتۋىنشا, قاراعاندى وبلىسىنا بولىنگەن 4,7 ميلليارد تەڭگەنىڭ 700 ميلليونى مەديتسينا مەن الەۋمەتتىك سالانى دامىتۋعا, ال 4 ميللياردى ءبىلىم سالاسىنا باعىتتالسا, ونىڭ 2,4 ميللياردى تەمىرتاۋ قا­لا­سىنىڭ 30 مەكتەبىندە جاڭا سپورت الاڭدارىن سالۋعا, قا­جەت جابدىقتاردى ساتىپ الۋعا جۇم­سال­عان.

قۇرىششىلار قالاسىنداعى №8 جالپى ءبىلىم بەرەتىن مەك­تەپ ەكى جوبا اياسىندا قارجىلان­دىرىلىپ, جالپى سوماسى 110,5 ميلليون تەڭگە بولدى. 2024 جىلى «QH – قاراعان­دى وبلىسىنىڭ مەكتەپتەرىندە ء«بىلىم-يننوۆاتسيا» لي­تسەيلەرىنىڭ تاجىريبەسىن ەنگىزۋ» جوباسى اياسىندا مەكتەپتىڭ في­زيكا, حيميا جانە بيولوگيا پان­دەرىنىڭ كابينەتتەرى زەرتحانالىق, ينتەراكتيۆتى جانە كومپيۋتەرلىك جابدىقتارمەن قام­تا­ماسىز ەتىل­دى. جوبانىڭ قۇنى – 35,9 ميلليون تەڭگە.

مەكتەپ ديرەكتورى گۇلبارام ۇسەنوۆا كەلگەن قوناقتاردى جاڭار­تىلعان ءپان كابينەتتەرىمەن تانىس­تىرىپ, ودان كەيىن سىرتتاعى جاڭا سپورت الاڭىنىڭ اشىلۋ سالتاناتىن وتكىزدى.

«QH – تەمىرتاۋ قالاسىنىڭ ءبىلىم  ۇيىمدارى وقۋشى­لارى­نىڭ دەنە شىنىعۋىن دامىتۋ» جوباسى اياسىندا قۇنى 74,5 ميلليون تەڭگە بولاتىن سپورت الاڭىندا فۋتبول الاڭى, 2/1 ۇلگى­سىندەگى ۆولەيبول-باسكەتبول ويىن الاڭى, جاتتىعۋ ايماعى, سونداي-اق كوشە ترەناجەرلارى مەن ۆوركاۋت كەشەنى بوي كوتەردى.

سونىمەن قاتار «بالالار تەح­نو­پاركىندە» 10 وقۋ شەبەرحاناسى مەن زەرتحانالارى: «جاسىل مەكتەپ», «جاساندى ينتەللەكت», روبوتتەحنيكا جانە پيلوتسىز كولىك زەرتحانالارى, باستاپقى تەحنيكالىق مودەلدەۋ, كەمە جانە اۆتوۇلگىلەۋ شەبەرحانالارى, تەلەستۋديا كابينەتتەرى اشىلدى. بۇل جوبانىڭ قۇنى 221,5 ميلليون تەڭگەنى قۇرادى.

قالاداعى №4, №10, №17, №27 جانە №29 مەكتەپتەرىنە حوككەي كورتتارى سىيلىق رەتىندە ورناتىلدى. تەمىرتاۋ مەكتەپتەرىندەگى سپورت الاڭدارىن سالۋ جوباسىن «باتىر بولامىن» قوعامدىق قورى اتقاردى.

№8 مەكتەپتىڭ سپورت الاڭى­نىڭ اشىلۋ سالتاناتىندا وبلىس اكىمىنىڭ ورىنباسارى الىبەك الدەنەي ءسوز الىپ, «پرە­زي­دەنتىمىز ارقاشان ەلىمىزدە ادامي كاپيتالدى دامىتۋعا نازار اۋدا­رادى. «قازاقستان حالقىنا» قورى­نىڭ وسى جوباسى تەمىرتاۋ وقۋشى­لارىنىڭ جان-جاقتى ءبىلىم الىپ, سپورتپەن شىنىعۋىنا مۇمكىندىك بەرەدى», دەدى.

سپورت كەشەنىنىڭ لەنتاسىن ءماجىلىس دەپۋتاتى مۇرات ابەنوۆ, قامقورشىلىق كەڭەس توراعاسىنىڭ ورىنباسارى گاۋحار بەيسەەۆا جانە 10-سىنىپ وقۋشىسى ارىسۇلان قوجامۇراتوۆ قيىپ, ارداگەر ۇستازدار شاشۋ شاشتى.

اشىلۋ راسىمىنە ارنايى كەلگەن باپكەر, مەكتەپ تۇلەگى, كاراتە سپورتىنان الەم چەمپيونى, قارا بەلبەۋ يەگەرى نۇرسۇلتان قوجامۇراتوۆ شاكىرتتەرىمەن ونەر كورسەتتى.

№17 مەكتەپ تە «قازاقستان حالقىنا» قورىنان 142,8 ميل­ليون تەڭگە قارجىلاي قولداۋ الىپ, ءپان كابينەتتەرىن جاڭارتتى جانە سپورت الاڭىن سالۋعا مۇمكىندىك الدى.

«بالالار تەحنوپاركى» جۇمىس ىستەپ تۇرعان 6 ۇيىرمەگە جاڭا قۇرال-جابدىقتار ساتىپ اپەرىلىپ, ينجەنەرلىك باعىتتا تاعى 4 ۇيىرمە اشىلدى, وعان ماماندار ارنايى وقىتىلدى. قور تىرەك مەكتەپتەر مەن ەرەكشە بالالارعا ارنالعان مەكتەپ-ينتەرناتقا دا قاجەتتى قۇرال-جابدىقتار مەن سپورت الاڭدارىن سالۋعا كومەك كورسەتتى.

بۇل جوبانىڭ ناتيجەسىندە تەمىرتاۋ قالاسىنىڭ ءبىلىم ساپاسى 3,1 پايىزعا ءوسىپ, 56,9 پايىزدى قۇرادى. 2024–2025 وقۋ جىلىنىڭ تۇلەكتەرى اراسىندا 28 وقۋشى «التىن بەلگى» يەگەرى اتانسا, 52 وقۋشى ۇزدىك اتتەستات الدى. ۇلتتىق بىرىڭعاي تەستىلەۋگە 927 تۇلەك قاتىسىپ, 201-ءى مەملەكەتتىك گرانتقا يە بولدى, ونىڭ ىشىندە تەحنيكالىق ماماندىقتارعا وقۋعا تۇسكەندەر دە بار.

جوبانىڭ ارقاسىندا قالا­نىڭ 30 مەكتەبى جاڭا فۋتبول الاڭ­دارى, باس­كەتبول-ۆولەيبول ايماقتارى, ۆوركاۋت كەشەندەرى جانە حوككەي كورتتارىمەن قام­تىل­دى. جاڭا سپورتتىق جانە وقۋ ين­فرا­قۇرىلىمى 24 مىڭ وقۋشىعا ارنالعان, ولار تۇراقتى جاتتى­عۋلار وتكىزىپ, ءتۇرلى جارىستارعا قاتىسۋعا مۇمكىندىك الادى.

جالپى قاراعاندى وبلى­سىن­داعى جەتى قوسىمشا ءبىلىم بەرۋ ۇيىمى دا جاڭا تەحني­كالىق جابدىققا يە بولدى. ولار ينجەنەرلىك داعدى­لار­دى, روبوتتەحنيكانى جانە عى­لىمي-تەحنيكا­لىق شىعارما­شى­لىقتى دامىتۋعا ارنالعان STEM-تەحنيكا­مەن تولىق جاراق­تان­دىرىلدى. ءوڭىر بويىنشا 35 ۇيىرمە جاڭارتى­­لىپ, روبوتتەحنيكا, باعدارلامالاۋ, 3D-مودەلدەۋ جانە كيبەرسپورت باعىتتارىن قامتيتىن 21 جاڭا ۇيىر­مە اشىلدى.

– ءبىز زەرتحانالاردى جا­ڭار­تۋمەن قاتار, پەداگوگتەردىڭ دايارلىعىنا دا ءجىتى كوڭىل ءبولىپ وتىرمىز. قازىر مۇعالىمدەر مەنتورلىق قولداۋ الۋدا. وقۋ­شىلار سارايىندا التى ۇيىرمە تولىق جاڭعىرتىلىپ, تاعى تور­تەۋى اشىلدى, – دەدى «قازاقستان حالقىنا» قورى باسقارماسىنىڭ ءتورايىمى ءلاززات شىڭعىسباەۆا.

«QH. ء«بىلىم-يننوۆاتسيا» ليتسەي­لەرىنىڭ تاجىريبەسىن ەنگىزۋ» جوباسى اياسىندا قاراعاندى وبلى­سىنىڭ 86 مەكتەبىندە جاراتىلىس­تانۋ پاندەرىنىڭ زەرتحانالارى جاڭارتىلدى. پەداگوگتەر زاما­ناۋي وقىتۋ ادىستەمەلەرىن مەڭگەرىپ, بىلىكتىلىكتەرىن ارتتىردى.

قاراعاندى وبلىسى,

تەمىرتاۋ قالاسى