ۇلتتىق سۋردليمپيادا كوميتەتىنىڭ ۆيتسە-پرەزيدەنتى ارسەن شاقۋوۆتىڭ ايتۋىنشا, جانتۇرشىگەرلىك جول اپاتىنان قازا تاپقان جەتى ادامنىڭ بەسەۋى – سۋردليمپيادا ارداگەرلەرى بولعان, دەپ حابارلايدى Egemen.kz.
بۇل تۋرالى ارسەن شاكۋوۆ Facebook-پاراقشاسىندا جازدى.
قازا تاپقان سپورت ارداگەرلەرىنىڭ ەسىمدەرى:
اسىل يبرايىموۆ – ەستۋ قابىلەتى بۇزىلعان سپورتشىلار اراسىنداعى فۋتبول جاتتىقتىرۋشىسى. دميتري موچالسكي – شاحماتتان سۋردليمپيادا چەمپيونى, شاحماتتان ەستۋ قابىلەتى بۇزىلعان سپورتشىلار اراسىنداعى ەۋروپا چەمپيونى. ساكەن سماعۇلوۆ – ەستۋ قابىلەتى بۇزىلعاندار اراسىنداعى فۋتبول ارداگەرى, ەستۋ قابىلەتى بۇزىلعاندار اراسىنداعى فۋتبولدان ۇلتتىق قۇراما مۇشەسى. سەرگەي ۆولكوۆينسكي – ەستۋ قابىلەتى بۇزىلعاندار اراسىنداعى فۋتبول ارداگەرى, ەستۋ قابىلەتى بۇزىلعاندار اراسىنداعى فۋتبولدان ۇلتتىق قۇراما مۇشەسى. سەرىك مولداشەۆ – ەستۋ قابىلەتى بۇزىلعاندار اراسىنداعى فۋتبول ارداگەرى, ەستۋ قابىلەتى بۇزىلعاندار اراسىنداعى فۋتبولدان ۇلتتىق قۇراما مۇشەسى.ەستەرىڭىزگە سالا كەتەيىك, الماتى-بىشكەك تاس جولىنىڭ 129-شاقىرىمىندا جەڭىل كولىك جۇك كولىگىنىڭ تىركەمەسىمەن سوقتىعىسىپ, سالدارىنان جەتى ادام مەرت بولدى. اتالعان جول-كولىك وقيعاسىنا قاتىستى قىلمىستىق ءىس قوزعالىپ, تەرگەۋ امالدارى جۇرگىزىلىپ جاتىر.