قازاقستاندا ەسىرتكى قىلمىسىنا قارسى پرەكۋرسورلاردىڭ زاڭدى اينالىمىن باقىلاۋ ماقساتىندا 981 ۇيىمعا تەكسەرۋ جۇرگىزىلدى, دەپ حابارلايدى Egemen.kz.
ىشكى ىستەر مينيسترلىگى «زاڭ مەن ءتارتىپ» قاعيداتى بويىنشا جۇمىستى جالعاستىرىپ جاتىر. ونىڭ اياسىندا, ەسىرتكى قىلمىسىنا قارسى ءىس-قيمىل كوميتەتى پرەكۋرسورلاردىڭ زاڭدى اينالىمىن باقىلاۋ ماقساتىندا ەلىمىزدە «دارمەك» ءىس-شاراسىن وتكىزىپ جاتىر. بارلىعى 981 ۇيىم تەكسەرىستەن ءوتتى.
«421 مىڭ توننا پرەكۋرسور الىندى. 20 ملن تەڭگەدەن استام سوماعا ايىپپۇل سالىندى. تەكسەرۋ بارىسىندا كاسىپورىن باسشىلارىنا ەسكەرتۋ جاسالدى. سوعان قاراماستان, كەمشىلىكتەر انىقتالىپ جاتىر», دەلىنگەن ءىىم حابارلاماسىندا.
مىسالى, سوت شەشىمىمەن بالقاش قالاسىنداعى ۇيىمنىڭ ليتسەنزياسى توقتاتىلدى.
«زاڭدى تۇلعالارعا ۇندەۋ: كوميتەت بۇل جۇمىستى جالعاستىرىپ, زاڭدى تۇردە شارالار قابىلدايدى», دەلىنگەن حابارلامادا.