الماتىدا قازاقستان حالقى اسسامبلەياسىنىڭ 30 جىلدىعىنا وراي ۇيىمداستىرىلعان «مەنىڭ وتباسىم – تىرەگىم» بايقاۋى مارەگە جەتتى, دەپ جازادى Egemen.kz.
قالالىق ىشكى ساياسات باسقارماسىنا قاراستى «قوعامدىق كەلىسىم» كمم ۇيىمداستىرعان باسەكەدە ۇلتتىق داستۇرلەر مەن وتباسىلىق قۇندىلىقتار دارىپتەلدى.
سايىسقا ءتۇرلى ەتنوستان قۇرالعان وتباسىلاپ قاتىسىپ, «بەينەتانىستىرۋ», «ۇلتتىق ءداستۇر», «ونەرلى وتباسى» جانە قحا تاريحىنا ارنالعان «زياتكەرلىك ۆيكتورينا» اتتى كەزەڭدەردە باق سىنادى.
بايقاۋ كەزىندە 15 جىل وتاسىپ, اليشۋ ەسىمدى قىز تاربيەلەپ وتىرعان رۋستام مەن ءامينا كايرىەۆتەر كونە ۇيعىر سالتى - «بوشۋك توي» (نارەستەنى بەسىككە بولەۋ) ءراسىمىن وتكىزدى. قوناقتاردى ۇيعىر تاعامى – سانزامەن قارسى العان تاتۋ وتباسى: ء«بىز ءاردايىم ءبىر-ءبىرىمىزدى تۇسىنۋگە تىرىسامىز», لەيدى.
بايقاۋ ناتيجەسىندە كايرىەۆتەر وتباسى ءبىرىنشى ورىنعا, ورىنعاروۆتار جانۇياسى ەكىنشى ورىنعا, دانلادي اۋلەتى ءۇشىنشى ورىنعا يە بولدى.